Sri tinon ing pasewakan...
Busana maneka warna...
Sebak puspiteng udyana...
Ooooo...
Myang panjrahing sarwa rukma...
Renggeng manik narawata...
Ooooo...
****
Arjuna: Sinuwun...
Penjenengan menika Nalendra saking pundi lan sinten jejuluk'ipun menawi keparengaken kula bade gladi wanuh nggulang tepang, Sinuwun...??
Sinuwun..??
Kaka Prabu...
Kresna: kepiyee..??
Arjuna: kula sampun ndangu ananging nuwun sewu, netranipun maosaken dateng kula, ananging kadosipun kog mboten damang dateng menapa ingkang kula aturaken...
Kresna: Kaka Prabu..
Baladewa: piyee..??
Kresna: sampun dipun dangu wongsal-wangsul ananging kog kados mboten mireng..
Baladewa: elhoo...
Mbok di tilik'i nganggo headset po kepiyee kui..??
Kresna: mboten Kaka Prabu...
Baladewa: woo lha iki...
Elek'e ning kene iki..
Suwe ora ana dayoh mbasan ketekan dayoh siji wae budheg ki lho...
Kresna: inggih..
Baladewa: Arjuna..
Arjuna: wonten dawuh Kaka Prabu...
Baladewa: cuba, timbalana rada sero, yayi..
Merga sajak'e, ratu iki ratu sugih...
Gilo, sandangane katon gumebyar, driji sepuluh di nggoni ali-ali kabeh...
Gek kupinge di tindik nganti mubeng gek di nggoni inten kabeh...
Mbok menawa kupinge ketutupan inten..
Arjuna: inggih...
Kisanak, sampun pinten anggen kula tumambuh yekti saweg sepisan menika kula wanuh, penjenengan menika Nalendra saking pundi lan sinten jejuluk paduka, kisanak...??
Sinuwun..??
Penjenengan menika saking pundi lan sinten jejuluk'ipun, kisanak...??
Kaka Prabu...
Kresna: piyee..??
Arjuna: mbok nyuwun tulung dipun jawilaken Nalendra menika...
Kresna: iyaa iyaa, tak jawilake mengko ndak ora rampung-rampung...
Arjuna: kasinggihan mekaten...
Kresna: Hei, kisanak..!!
Prabu Karnadi: Waa wonten dawuh...!!!
Hahaha...!!!
Wonten menapa Sinuwun..??
Kresna: lho..??
Penjenengan menika sampun dipun timbali wongsal-wangsul sajak mboten mireng..??
Prabu Karnadi: sinten ingkang nimbali..??
Kresna: Inggih menika kadang kula pun Arjuna...
Prabu Karnadi: lha menika, menika..
Bentenipun tiyang Nuswa Jawi kalian tiyang sebrang menika, ngaten menika..
Wonten panggenan kula menika menawi jagongan ngendikanipun pating brengok, mboten wonten ingkang ngendika kog lirih kados Raden Arjuna menika..
Hahaha...
Raden, kula aturi mangsuli...
Penjenengan menika ndangu kula menapa..??
Arjuna: penjenengan menika Nalendra saking pundi, lan sinten jejuluk'ipun..??
Prabu Karnadi: Ladalah...
Hahaha...
Lha samangke sampun cetha anggen kula nampi...
Arjuna: inggih..
Penjenengan menika sinten jejuluk'ipun...??
Karnadi: inggih, waleh-waleh menapa, sowan kula menika kiyambak'an kemawon...
Kresna: Kaka Prabu..
Baladewa: piyee, ana apa meneh..??
Kresna: kalian pandangunipun geseh...
Dipun dangu nami, kog wangsulanipun kiyambak'an...
Baladewa: welah iki..
Iki, wis saya rekasa..
Entuk dayoh wae budheg kamangka ora dong...
Cuba, aku sing nakoni...
Kresna: inggih, kula sumangga'aken...
Baladewa: Hei, kisanak...
Karnadi: inggih, wonten dawuh...
Baladewa: Jenengmu sapa seka negara ngendi, di dangu karo adhiku lanang, Arjuna...
Karnadi: Oo, nami to...
Baladewa: lha yaa, wis kit mau jeneng..
Karnadi: Oo inggih...
Bilih ndangu dateng kula, kula menika saking negari, Terbelasuket..
Baladewa: ngendi kui mau..??
Kresna: Terbelasuket...
Baladewa: Terbela ki, bandhosa ki..
Kresna: inggih, sampun kajengipun..
Nami negari menika kiyambak-kiyambak...
Karnadi: saking negari Terbelasuket, wonten ingkang sudi mestani kula, Prabu Karnadi...
Arjuna: Karnadi..??
Karnadi: inggih, kasinggihan mekaten...
Arjuna: Oo Oo..
Prabu Karnadi...
Kog mboten ngagem asma ingkang ageng...
Karnadi: inggih, anggenipun kula dados Nalendra menika dereng dangu...
Rencana, kula bade ngagem jejuluk Prabu Karnadi Jaya Sumpena...
Arjuna: Oo inggih, kula sumangga'aken kisanak...
Karnadi: inggih inggih..
Hahaha...
Nuwun sewu, menapa kula menika manggihi ingkang asma Raden Arjuna..??
Arjuna: mboten wonten kekalih, kula menika Raden Arjuna..
Inggih panengah Pandawa...
Karnadi: Wuuaa...ladalah...
Tobat, tobat..
Anggen kula cumengklungen mboten mireng sinten-sinten mboten sanes namung kula menika gumun..
Wonten satriya kog buuaguse kados mekaten...
Piyayi kakung, nanging kulite kog alus kados mekaten...
Hhmm...
Ngantos blereng....
Kula menika wujudipun jaler kemawon, nyemerepi Raden menika gumun setaun jinggleng sarendeng...
Wuuaahh...
Elok-elok...
Hahaha..
Jumbuh kalian ingkang kula kapireng ing negari kula..
Penjenengan menika kondhang Satriya ingkang bagus mawa warna, pinda kencana mawa cahya...
Hahaha....
Matur nuwun Raden...
Lha, nuwun sewu, ingkang wonten ngandap paduka menika sinten..??
Arjuna: menika Wara Sembadra, inggih Bratajaya, inggih Rara Ireng..
Menika semah kula, Sinuwun..
Karnadi: Woo....
Sembadra menika, niki ta..
Arjuna: inggih...
Karnadi: wuuaahh, edyan..
Hhmm..
Nek kulite ora patek kuning..
Mula di jenengi Dewi Rara Ireng, merga pakulitane ireng..
Nanging mbareng di waspadakke, kog jebul, Wuuaahh...
Edan..
Lho nuwun sewu, menika wwtengipun kog mblenduk menika, sakit napa pripun..??
Arjuna: mboten..
Menika saweg nggarbini...
Karnadi: Oo, meteng to..
Sampun pinten sasi..??
Arjuna: sampun sapta candra mungguhing dinten samangke...
Karnadi: pitung sasi...
Hahaha...
Inggih, inggih...
Lha ingkang wonten wingking paduka menika..??
Arjuna: menika kadang kula mbajeng pun Prabu Puntadewa, Nalendra ing Indraprasta inggih Ngamarta...
Karnadi: Prabu Puntadewa..??
Arjuna: kasinggihan mekaten...
Karnadi: inggih...
Kula ugi sampun nate mireng...
Nalendra ingkang alus bebudene, lila legawa, aja kog mung brana picis, kasugengane bakal di paringake waton bisa gawe kabahagianing liyan...
Satriya ingkang jujur, datan nate goroh..
Hahaha..
Inggih, matur nuwun...
Lha nuwun sewu, ingkang citranipun emeng menika..??
Arjuna: ingkang cemeng menika kadang kula sepuh Nalendra ing Dwarawati inggih prabu Kresna..
Karnadi: We Ee Ee...
Jagad dewa Bathara...
Prabu Sri Bathara Kresna..
Ratu titis Wisnu, jagad menika kebrebegen awit saking dayane Prabu Kresna menika...
Manungsa setengah dewa ingkang berbudi bawa leksana..
Hahaha....
Matur nuwun...
Lajeng, ingkang saliranipun nuwun sewu, Bule menika sinten..??
Arjuna: menika Prabu Baladewa...
Karnadi: Prabu Baladewa..??
Arjuna: inggih, kasinggihan mekaten..
Karnadi: nuwun sewu, kula kog dereng nate mireng to..
Prabu Baladewa menika menapa kondhang kados dene Prabu Kresna..??
Arjuna: menika kadangilun sepuh Prabu Kresna saking negari Mandura...
Karnadi: Waaaa inggih..
Nyuwun pangapunten, sajak'e Ratu ra patek'o kaluka..
Ra patek'o kondhang..
Kresna: Kaka Prabu...
Baladewa: piyee..??
Kresna: sampun duka lho...
Penjenengan kalah kondhang kalian kula..
Ratu ra patek'o kaluka...
Baladewa: Ratu ra patek'o kaluka rapapa nek kon nggeceg ndase Ratu kui klakon aku....
Kresna: tegesipun menika duka...
Baladewa: kon ra nesu piyee..??
Yayi Prabu Darmakusuma ratu kondhang kaluka, yayi Kresna ratu kondhang jagad kebrebegen mbareng aku kog di unekne Ratu ora kondhang ki piyee..
Ning ora papa...
Waton gawe kisruh ing ksatriyan Madukara, iki bakal dadi jalaran arep nggeceg ndase Ratu kui..!!!
Kresna: inggih, kula aturi sabar Kaka Prabu....
Baladewa: sabar apa..
Baladewa ki gambare di templekke ning ngendi-ndi ee, dunekke ra kondhang...
Arjuna: nuwun sewu kisanak, wonten wigatos punapa dene jengandika rawuh dateng Ksatriyan Madukara...
Menawi kepareng kula bade nyuwun dawuh....
Karnadi: inggih....
Sampun dipun keparengaken matur..??
Arjuna: kula sumangga'aken....
Karnadi: inggih, waleh-waleh menapa Sinuwun, sowan kula ing Ksatriyan Madukara menika, dipun utus kalian sesembahan kula ing negari Plangkawati, ingkang jejuluk Prabu Jayamurcita...
Wosipun, namung di utus tinanggenah, ngaturaken nawala kunjuk dateng paduka, Raden...
Arjuna: nawala..??
Karnadi: kasinggihan mekaten...
Arjuna: mangga Kula aturi maringaken, sang Prabu...
No comments:
Post a Comment