Tuladha Tanggap Wacana Ari Raya Idhul Fitri ( Contoh Sambutan Hari Raya Idhul Fitri )

Tuladha Tanggap Wacana Ari Raya Idhul Fitri ( Contoh Sambutan Hari Raya Idhul Fitri )

sumber gambar  : kedaipena.com

 Assalamu'alaikum Warohmatullahi Wabarokatuh

( membaca mukadimah )

Bapak-bapak, Ibu-ibu saha sedherek-sedherek kaum muslimin lan muslimat ingkang satuhu kula hormati.

Minal aidzin wal faidzin

Para rawuh, mangga kita sesarengan mucap pudya puji pudyastuti wonten ngarsanipun Gusti Ingkang Maha Agung inggih Gusti Allah SWT, ingkang sampun paring taufik  wal hidayah, dene ing wekdal punika kula saha panjenangan taksih pinarengan kasugengan saha karaharjan, saged pinanggih wonten ins Masjid AL Akbar Dusun Kedung Desa Genengadal mriki, saperlu ngawontenaken pepanggihan nyambut dinten riyadi punika.

Kados ingkang sampun kita mangertosi bilih mbenjang - enjang, umat Islam ing saindenging nuswantara badhe ngawontenaken  dinten ingkang ageng, dinten ingkang kebak kabagyan tumpraping umat Islam inggih punika dinten Riyadi Idhul Fitri. Dinten Riyadi Idhul Fitri punika satunggalingh dinten ingkang ageng tumpraping umat islam, ingkang dipun regengaken kanthi kebak syukur dhumateng Allah SWT.

Allahu Akbar Allahu Akbar  Allahu Akbar, La Ilaaha Ilallahu, Allahu Akbar, Allahu Akbar, Allahu Akbar

Kanthi ngagungaken asmanipun Gusti, mboten wonten Gusti ingkang kula saha penjenengan sembah kejawi namung Gusti Allah SWT, piyambak.

Para Rawuh, kaum muslimin lan muslimat, ingkang dipun mulyaaken Allah
Tembung Idhul Fitri punika saking tembung Idhul saha Fitri, Idhul punika wangsul, dene Fitri utawi Fitrah punika suci.

Arstosipun, Idhul Fitri punika "wangsul suci". Punika nggadhahi maksud sak purnaning siyam setunggal wulan, minangka rukun Islam ingkang kedah dipun tindaaken, kita wangsul malih dados suci kados bayi ingkang nembe lahir.

Pramila wonten ing dinten ingkang ageng punika, kita sesarengan nyuwun dhumateng ngarsanipun Allah SWT, supados dosa kula lan dosa panjenengan sageta lebur.
sareng sareng nyuwun, mugi-mugi Gusti Allah kersa maringi pangapura dhumateng kula lan panjenengan sedaya lumantar dinten riyadi punika.

Bapak-bapak Ibu-ibu saha para hadirin sedaya muslimin lan muslimat ingkang satuhu bagya mulya.
Sampun setunggal wulan kita umat Islam sami nindaaken ngibadah siyam. Kita saged ngraosaken kados pundi raosipun mboten nedha saha mboten ngunjuk sak dangunipun setunggal dinten saha saged nahan hawa nepsu. Pramila saged ngraosaken kados pundi raosipun tiyang-tiyang ingkang gesangipun tansah kekirangan. Pramila ing dinten riyadi punika Allah paring dawuh dhumateng umatipun dhumateng umatipun supados ngedalaken zakat pitrah kangge sedherek-sedherek ingkang  kekirangan.

Zakat Pitrah ngresiki dosa kita tumpraping umat ingkang mampu. Sanesipun punika mbenjang-enjang kula suwun sadherek sedaya kaum muslimin muslimat ingkang satuhu kinurmatan kersa ngrawuhi sholat Ied wonten ing Masjid Al Akbar mriki.
Ing pungkasing atur, mugi-mugi kita saged ngrayaaken dinten riyadi kanthi remen, saha kebak ketaqwaan dhumateng Allah SWT.

Akhirul kalam, bilahitaufiq wal hidayah.
Wassalamualaikum Warohmatullahi Wabarokatuh.

Pidato Pembukaan Acara Maulid Nabi ( Atur Pambuka Pengetan Dinten Maulid Nabi )

Pidato Pembukaan Acara Maulid Nabi ( Atur Pambuka Pengetan Dinten Maulid Nabi )

Bismilahirrohmanirrohim
Assalamu'alaikum warohmatullahi wabarokatuh
Dhumateng para alim, para ulama wa bil khusus bapa kyai, para sesepuh pinisepuh ingkang satuhu kawuka tuhoni dhawuhipun.
Para Bapak-bapak, Ibu-ibu ugi sedherek sedaya kaum muslimin wal muslimat ingkang dahat kinurmatan.
baca juga : tuladha pambagya harja kirim slamet
Sak derengipun mangga sesarengan ngaturaken puji syukur alhamdulillah konjuk dhumateng ngersanipun Gusti Allah SWT, dene kula panjenengan sami taksih pinaringan berkah rahmat saha hidayahipun , katitik kula panjenengan sekaliyan saged makempal manunggal ing panggenan punika.
Ing wekdal punika tanggal 10 November 2019, nyarengi tanggal 12 Rabiul Awal 1441 Hijriyah, kita saged makempal ing mriki saperlu mengeti Maulid Nabi junjungan kita nun inggih panjenenganipun nabi agung Muhammad Salallahu Alaihi Wasalam, rasul Allah panutan umat islam sejagat.

Para hadirin saha hadirat ingkang dipun rahmati Allah SWT.
Ing mriki  kula minangka ketua panitia penyelenggara pengetan Maulid Nabi Ageng Muhammad SAW, ngaturaken gungging panuwun dhumateng para rawuh ingkang sampun kersa nglonggaraken wekdal , kersa ngrawuhi pengetan wiyosipun kanjeng nabi Muhammad Salallahu Alaihi Wasalam. minangka sih sutresnanipunlan raos ngluhuraken asmane kanjeng nabi Muhammad Salallahu Alaihi Wasalam, ugi pratandha mantebing manah anggenipun nglampahi agami Islam minangka pitedah kabegjan agesang wonten ing ngalam donya dumugi akherat.
baca juga : sambutan tuan rumah acara kirim do'a untuk ahli kubur
Kejawi saking punika mboten langkung, kula ngaturaken agunging panuwun dhumateng sinten kemawon, para mudha, sanak sedherek ingkang sampun sabiyantu wonten ing pengetan Maulid Nabi punika. Kula minagkani segenap panitia penyelenggara mboten saget maringi piwales punapa-punapa kajawi namung puja-puji konjuk dhumateng ngarsane Allah SWT, mugi amal lan kesaenan panjenengan pikantuk lelintu ingkang sak murwatipun. Aminn.
Ewandena adicara inti saking pengetan Maulid Nabi punika badhe dipun wedharaken kaliyan mubalegh Bapa Kyai Haji Misbach Zainul Musthafa saking Jogjakarta.
kula kinten cekap semanten menggah atur pambuka pengetan Maulid Nabi Muhammad Salallahu Alaihi Wasalam, ing dalu punika kula bikak  kanthi Tandha waosan Basmalah... bismillahirrahmanirrahim

Akhirul kalam wabilahit taufiq wal hidayah . Wasalamualaikum warohmatullahi wabarokatuh
Suwun
mekaten Pidato Pembukaan Acara Maulid Nabi ( Atur Pambuka Pengetan Dinten Maulid Nabi ), mugi saget migunani.matur suwun.
rahayu

Tuladha Atur Pasrah Temanten Adicara Sepasaran Nganten ( Mboyong Nganten )

Tuladha Atur Pasrah Temanten  Adicara Sepasaran Nganten ( Mboyong Nganten )

Ilustrasi Foto : Sepasang Penganting sedang melaksanakan acara " Wijik Suku ."

Dalam adat jawa, setelah dilaksanakan pahargyan ( resepsi Pernikahan ) di tempat mempelai wanita, maka 5 hari berikutnya  ( dalam adat jawa disebut sepasaran ) pihak keluarga mempelai wanita memboyong kedua pengantin ke kediaman Orang tua mempelai Pria. Acara ini biasa disebut dengan "sepasaran nganten ". Seperti halnya saat resepsi pernikahan, dalam acara ini juga terdapat acara Pasrah dan Panampi temanten. Namun bedanya pasrah kali ini bukan temanten kakung tetapi Temanten Sarimbit ( kedua temanten ). Berikut ini adalan contoh Pasrah Temanten saat acara "sepasaran nganten ".

Atur Pasrah Temanten  Adicara Sepasaran Nganten ( Mboyong Nganten ) 

Bismillahirrahmanirrahim.

Assalamu ‘alaikum Wr.Wb.
Bismillahirrahmanirrahim alhamdulillahi rabbil ‘alamin wa sholatu wassalamu ‘ala asyrafil anbiya’i wal mursalin sayyidina wamaulana Muhammadin wa ‘ala alihi wa shahbihi ajma’iin, amma ba’du.

Dhumateng panjenenganipun para pepundhen, para sesepuh pinisepuh dalah ajisepuh, ingkang hanggung mastuti dhumateng pepoyaning kautaman ingkang pantes pinundhi,
para alim, para ulama, para kyai, para haji  ingkang rinten dalu tansah sumandhing kitab suci wahyuning Ilahi minangka panuntun keblating panembah,  ingkang ka antu antu berkah  pitutur  luhuripun
Panjenenganipun ingkang hamengku gati nun inggih Bapak Muhyani dalah Ibu Latifah, miwah gotrah kaluwarga, ingkang satuhu pantes sinuba ing sagunging pakurmatan.
Sagung para tamu kakung sumawana putri ingkang pantes nampi pakurmatan satuhu pantes lamunta sinudarsana.
para kadang muda tumaruna ingkang mahambeg ing tresna lan asih.

Minangka purwakaning atur sumangga tansah kula dherekaken ngonjukaken raos syukur wonten ngarsanipun Gusti ingkang Maha Welas Lan Maha Asih, Nun Inggih Gusti Allah SWT,  awit saking pinten – pinten barokah, rahmat lan hidayahipun dumateng  panjenengan sedaya lan kula, katitik ing titi kalenggahan menika panjenengan lan kula sampun kakeparengaken kempal manunggal ing menika papan, kanthi pinaringan karaharjan lan gumelaring bagas kuwarasan. Ingkang awit saking menika, sumangga nuwun kula nun kula dherekaken ikraraken bikauli 'alhamdulillahirobbil'alamin'.
Shalawat lan salam mugi tansah lumintu lumintir dhumateng titah linangkung ingkang dados panutan patuladhan ummat sejagat, nenggih Sang Nabi Agung Muhammad SAW, lumeber ing kulawarga, saha sanggya para sahabatipun. Mugi kanthi waosan Shalawat  Allahuma sayidina Muhammad, panjenegan lan kula saged pikantuk syafaatipun .Allahumma amin

Langkung rumiyin kula nyuwun agunging pangaksami, awit sampun kumawani nyahak wewenanging kamardhikan panjenengan sedaya ingkang nembe eca wawan sabda
Mradapa awit saking keparengipun Bp Sutiyo,  miwah ibu kula kapitedhan minangka sulih salira, kinen ngaturaken wosing gati, lekasing sedya ingkang luhur menggah sowanipun wonten mriki.
Anamung sakderengipun, nglenggana bilih kula namung boboting tiyang jugul ingkang cubluk ambalilu, kothong ing seserepan, miwah asor ing samukawis, pramila kirang jangkeping trapsila, menapa dene cupet cewet atur kula ing mangke, ingkang mboten saged adamel suka renaning penggalih panjenengan sedaya, keparenga kula nyuwun agunging sih samodra pangaksami.
Sagung para lenggah ingkang sinuba ing pakurmatan, Ewandene menggah lekasing gati Bapak Sutiyo nun inggih :
Sepisan. Bapa Sutiyo Miwah Ibu Ngaturaken salam taklimipun  mugi konjuk dhumateng Bapak Muhyani sekalian Ibu Miwah Gotrah Kaluwarga sumarambah samudayanipun kanthi ikrar bi lisan Assalamualaikum Warohmatullahi wabarokatuh. Sinartan agunging panuwun ingkan tanpa pepindhan dene sowanipun, sampun katampi kanthi suka renaning penggalih Bapak lan Ibu Muhyani, saha sampun pinaringan papan palenggahan ingkang saestu sae.

Kaping Kalih. Bapa Sutiyo sekalian hanglarapaken, nyowanaken putra temanten kekalih, nun inggih Rara Ayu Desy Ria Pratama, S.Pd lan Bagus Nuzul Andri Permana, S,.Pd, jangkep sajodo, ingkang sampun kalampahan nindakaken dhaup suci / Ijab-Qabul miturut satataning nagari miwah agami, lan ugi sampun kawisuda dados penganten manut satataning adat widi widana panggih, krobongan lan sungkeman muturut tata cara adat ingkang lumampah wonten ing dusun kedung desa genengadal kec. Toroh Kabupaten Grobogan, rikala dinten Ahad Pahing Nyarengi Surya kaping, 25 Warsa 2019, mapan wonten ing dalemipun Bapak Sutiyo, kanthi sineksen, sanak kadang, gotah kaluwarga saha sesepuh lan pinisepuh.
Pramila, wonten ing titi wanci menika, sri atmaja tementen sarimbit kula pasrahaken dumateng Bapak lan Ibu Muhyani, borong panjenengan anggenipun badhe nggula wenthah keng putra kekalih, Bapa Sutiya tansah hanjurung pamuji ing karsa sinartan agunging berkah pangestu, murih widodo lestari anggenipun jejodhoan, mbangun bale wisma mapan wonten mriki.

Sak Lajengipun. Minangka jangkeping tata-krami, bapa Sutiyo kepareng hangaturaken sawetawis pisungsung uba rampe, Mbok menawi menika mboten pantes pun wastani uba rampe, sabab hanamung jajan pasar wujudipun,
Lan ugi minangka tandha talining katresnan Bapa Sutiyo dumateng Bapa Muhyani sekalian, Panjenenganipun kepareng ngaturaken redana wonten ing blancang seta, Sanadyan mboten sepintena etanganipun, mugi sageda hanambah raketing kekadangan ing antawisipun kulawarga Bapa Sutiyo  saha keluarga Bapa Muhyani. Anggenipun sami-sami ngentas pitulus putra kekalih tansah manggih bagya mulya, atut runtut gendhan rukon, wiwit kawitan dumugining delahan tansah pinayungan sih barokahing gusti sahingga dados kaluwarga ingkang sakinag ma wadah wa rohmah tundonipun pikantuko momongan ingkang sholeh lan sholehah.
Ingkang wekasan, sampun sak wetawis anggenipun Bapa Sutiya miwah ibu dalah gotrah kaluwarga sowan wonten mriki, Bapa Sutiyo kepareng badhe madal pasilan, jengkar saking pelenggahan saperlu nyuwun pamit, kondur wonten ing dalemipun sowang –sowang. Panyuwunipun mugi Bapa Muhyani sekalian kepaeng paring tambahing berkah pangestu, sahinga konduripun Bapa Sutiyo tansah pinanggih rahayu wilujeng datan manggih pringga bayaning marga.

Ing wasana. Mboh bilih anggen kula matur kathah kalepatan lan kekirangan, saha anggen kula sowan sak-rombongan mboten rena ing panggalih panjenengan, kula mawantu-wantu nyuwun agenging samodra pangaksami.

Nuwun. Billahittaufiq wal hidayah.

Wassalamu ‘alaikum Wr.Wb.

Itulah  contoh Pasrah Temanten saat acara "sepasaran nganten ", mudah-mudahan bermanfaat.

Contoh teks pasrah dan panampi penganten indah

 Contoh teks pasrah dan panampi penganten indah

Pembaca yang budiman, jumpa lagi di bolg saya. Kali ini saya akan memberikan contoh atur panampi pengantin secara singkat, namun dengan bahasa krama inggil yang baik. Langsung saja

• Tuladha atur pasarah penganten kakung wonten ing pahargyan Panggih Penganten 

Kulo nuwun,
Assalamu'alaikum warohmatullahi wabarokatuh

Mugi Katentreman, karahayon tuwin kawilujengan ingkang pinangkanipun saking Gusti ingkang Maha Agung, mugi tansah hamemayungana ing madyaning pahargyan ing wanci siang menika.

Bapa Sardi  Miwah Ibu, ingkang winengku hing pakormatan, bilih sowan kula ing wanci siang menika, kula dipun utus utawi saraya dening Panjenenganipun Bapa Sarino  sekaliyan, ingkang saperlu kedawuhan matur wonten ngarsanipun Bapa Sardi sekaliyan, ing ri kalenggahan siang menika penjenengan ingkang hanyalirani.

Hatur kula ingkang kapisan, kula kedhawuhan ngaturaken salam wilujengipun Bapa Sarino sekaliyan, ingkang linambaran donga pamuji, mugi kaaturna dumatheng Bapa Sardi. sekaliyan, minggahipun dumatheng keluarganipun.

Wondene jangkepipun atur ingkang kaping kalih, kula kedawuhan masrahaken putra turunipun ingkang nama pun Bagus.Sahrul Gunawan, S.Pd., mugi wonten keparengipun kadaupaken kaliyan putra pawestrinipun Bapa  Sardi sekaliyan, ingkang hasesilih pun Roro Ayu Siti Zulaikha, S.H. Menggah kalampahanipun tatacara panggih. hanut satataning adat, pamurba kula sumanggakaken wonten hing ngarsa penjenengan.

Mekaten Bapa Sardi sak kulawangsa  anggen kula matur wonten ngarsa panjenengan, kathah sanget atur kula ingkang mboten handamel renaning penggalih, kula nyuwun agunging samodra pangaksama, nuwun.

Wassalam Warohmatullahi Wabarokatuh
BACA JUGA :https://cinta-budayajawa.blogspot.com/2018/11/pager-mangkok-luwih-kuat-tinimbang.html
 https://cinta-budayajawa.blogspot.com/2018/12/ibudonga-panjenengan-jimat-kula.html

•  Tuladha atur panampi penganten kakung wonten ing pahargyan Panggih Penganten

Assalamu'alaikum Warohmatullahi wabarokatuh

Katentreman, karahayon tuwin kawilujengan ingkang pinangkanipun saking Gusti Allah ingkang Maha Agung mugi tansah hamemayungana wonten hing madyaning pahargyan ing wanci siang punika.

Kula nuwun..Bapa Sarino miwah  Ibu Sarini Ingkang winengku ing pakurmatan.
Minangka purwakaning atur, keparengna kula ngaturaken pambagya wilujeng rawuh penjenengan sak pangombyong.

Dene hanggen penjenengan ngaturaken salam kawilujengan sampun kula tampi kanthi bingahing manah, hing mangke badhe kula aturaken ingkang hamengku / hambawani damel sekaliyan.

Ugi mboten katalumpen, salam  taklimmipun Bapa  Sardi sekaliyan mugi kahaturna dumatheng penjeningipun Bapa Sarino  Sekaliyan, minggahipun dumatheng kulawangsanipun.

Wondene hanggen penjenengan hamasrahaken penganten priyo pun Bagus Sahrul Gunawan, S.Pd. Sampun kula tampi, tumuli badhe hanindakaken satataning adat panggihing penganten.
Hanamung sru panyuwunipun Bapa Sardi sekaliyan, penjenengan sak pangombyong dipun suwun hanjenengi lampahing tatacara punika ngantos sakparipurnanipun.

Mekaten Bapa Sarino miwah Ibu hanggen kula hananggapi pasrah penjenengan, kathah atur kula ingkang mboten handamel renaning penggalih, kula nyuwun hagunging samodra pangaksama.

Kanthi pada tutuping atur kula kantheni hasesanti, rahayu ingkang sami pinanggih lan sukarena.
Nuwun.

Wassalamu'alaikum Warohmatullahi wabarokatuh

Demikianlah contoh teks pasrah dan panampi temanten kakung singkan dan indah, semoga berguna bagi yang membutuhkan. Terima kasih telah berkunjung di blog saya ini.
bisa juga lihat video ini sebagai tambahan

contoh teks panampi temanten kakung

Contoh  teks panampi temanten kakung

Postingan kali ini adalah teks panampi tementen kakung saat acara pasrah dan tampi acara panggih, saya memposting bukan karena sudah pandai atau berpengalaman dalam hal ini. Tetapi semata-mata hanya untuk bahan belajar saya saat menerima permintaan dari warga menjadi duta saraya atau perwakilan dari tuan rumah. Untuk para pembaca yang nyasar ke blog saya mudah-mudahan bisa membantu memberi masukan untuk kedepan supaya lebih baik.
baca juga : https://cinta-budayajawa.blogspot.com/2018/07/pasrah-temanten-kakung.html

Bismillahirohmanirohhimi
Assalamu'alaikum warohmatullahi wabarokatuh

Alhamdulillah wa syukrulillah wa sholatu wa sallamu ‘ala rasulillah sayyidina wamaulana Muhammadin wa ‘ala alihi wa shahbihi wa mawwalah, amma ba’dah.


Konjuk dumateng Panjenenganipun para pepundhen, para pinisepuh, ajiesuph, saha para sesepuh ingkang tansah anggung mestuti dhumateng pepoyaning kautamen..
Panjenenganipun para ‘Alim, para 'Ulama, para Kyai, lan para Ustadz Ustadzah ingkang rinten dalu tansah sumandhing kitab suci minangka panuntun keblating panembah, ingkang tansah kaantu-antu sabda miwah pitutur luhuripun.
Langkung-langkung wabil khusus panjenenganipun ................................ ( kalau ada tokoh Kiyai atau ulama yang hadir pada acara tersebut )
Panjenenganipun para pangreh pangemban pangembating praja, minangka pandam pandom pengayomaning para kawula dasih ingkang satuhu pantes sinudarsana. Mliginipin dumateng bapak kepala Desa ................ dalah sedaya perangkatipun ingkang tansah kawula tuhoni sedaya atur pangandkanipun.
Panjenenganipun bapa ...........( besan ) dalah .para kadang pengombyong temanten,  kakung/putri saking ..................................( sebutkan dari mana asal besan ) ingkang tuhu pantes sinuba sagunging pakurmatan.
 Mboten kesupen Panjenenganipun para rawuh, para pilenggah, kakung sumawana putri, saha para sanak kadang wredha mudha lan tumaruna, ingkang tansah winantu ing suka rahayu.

Langkung rumiyin puja-puji syukur mugi konjuk dhumateng ngarsaning Gusti Ingkang Maha Suci, nuwun inggih Allah SWT, karana sih wilasa miwah barokahipun ingkang sampun kaparingaken dhumateng panjenengan sedaya lan kula sahengga wonten ing menika wekdal kula panjenengan saged makempal wonten ing dalemipun bapak .........................( tuan rumah ) kanthi pinaringan karaharjan, mboten manggih alangan setunggal menapa. Pramila saking menika sumangga kita ikraraken  kanthi maos kalimah tahmid 'alhamdulillahirobbil'alamin.'
Shalawat lan salam mugi tansah lumintu lumintir dhumateng titah linangkung ingkang dados panutan patuladhan kula panjenengan inggih Kanjeng Nabi Agung Muhammad SAW ingkang kula panjenengan antu-antu syafa'atipun benjang wonten yaumil qiyamah.

Kanthi linambaran trapsila ing budi rahayu miwah ngaturaken sewu agunging aksama, inggih awit mradapa keparingipun Bapa................( tuan rumah )  Ibu, kawula piniji minangka duta saraya talanging basa, kinen hanampi menggah wosing gati lekasing sedya ingkang luhur saking panjenenganipun Bapa ......................( besan ) sekalihan lumantar panjenganipun Bapa ....................... ( nama perwakilan besan )

Minangka purwakaning atur, ngaturaken sugeng rawuh saha ngaturaken gunging panuwun ingkang tanpa papindhan dene lampah panjenengan sampun kasembadaning karya kanthi wilujeng nirbaya nirwikara boten wonten pringga bayaning marga

Sanget ketampi kanthi bingahing manah, atur salam taklim saking panjenenganipun kadang besan lumantar panjenenganipun bapa ....... ( perwakilan besan ) kawula tampi, kanthi atur Waalaikumsalam  wr wb salajengipun dhumawaha sami-sami.

Panjenenganipun Bp ............................. (ingkang pasrah) menggah lekasing pangandika panjenengan hamasrahaken putra temanten kakung kula tampi kanthi asto kalih, handadosaken suka bingahing manah, salajengipun badhe kula aturaken dhumateng panjenenganipun Bp ................ ibu ................... ( tuan rumah ) lan sak lajengipun mbok bilih sampun samekto ing gati samudayanipun, dumateng panjenenganipun ibu juru rias nuwun inggih ibu.................. ( nama juru rias ) saking sanggar rias ..................... ( nama sanggar rias ) kasuwun mratitisaken lampahing adicara panggih,  miturut tata cara adat widi widana ingkang sampun lumampah wonten ing dusun ......................... ( nama tempat ) mriki, mugi laksitaning upacara panggihing putra temanten ing mangke tansah manggiha rahayu wilujeng nir ing sambekala sarta karoban sihing Gusti ingkang Maha Agung

Wondene atur pasrah paringipun sarana jejangkeping salaki rabi, kawula tampi kanthi suka bingahing manah, ing salajengipun mangke badhe kawula aturaken wonten ngarsanipun Bapa .............. ( tuan rumah )sekalihan garwa. Mboten kekilapan Bapa ................... ( tuan rumah ) sekalihan namung ngaturaken agenging panuwun menggah sedaya peparinganipun kadang besan sutresna, pratandha yekti kasoking katresnan dhumateng Bapa ................... ( tuan rumah ) sekalihan, mugi dadosa sarana raketing kekadangan, sami-sami netepi darmaning sepuh anggennya ngentas pitulus putra pinaringan raharja mulya.

Para Rawuh para pilenggah ingkang satuhu dahat kinurmatan....
Kula minangka tetalanging tanggap wacana, kalilanana kula matur ing ngarsanipun para rawuh sadaya, bilih saking keparengipun Bapak……………….( tuan rumah ) sekaliyan, kula tinanggenah nglairaken raos pangraos ingkang mijil saking telenging wardaya.

*Bapak saha Ibu.......................... ( tuan rumah ) .sakulawarga kanthi bebeg birawaning manah, ngaturaken suka bingahing manah saha ngaturaken pambagya wilujeng sarta agunging panuwun ingkang tanpa pepindhan katur para rawuh sadaya ingkang sampun kersa rawuh, saperlu paring berkah wilujeng dumateng Sri pangan-ten sekaliyan, sumrambah dumateng sanak saderek sadaya.
Boten kasupen Bapak saha Ibu…………………….( tuan rumah ) ngaturaken gunging panuwun ingkang tanpa upami katur para sadherek, kadang kadeyan pamong mitra, tangga tepalih saha para muda- mudi sadaya ingkang sampun kanthi lila legawaning manah paring pambiyantu lan panyumbang ingkang awujud punapa kemawon,  Bapak saha Ibu ……………( tuan rumah ) sakulawarga mboten saged ngatun piwales punapa-punapa, sagedipun namung ngaturaken donga pamuji, mugi-mugi panjenengan sadaya angsala sih kautaman saking ngarsaning Gusti Allah SWT. sarta angsala piwales sih kanugrahan ingkang matikel-tikel saha mawantu-wan-tu.

*Bapak saha Ibu ……………. ( tuan rumah ) sakulawarga nyuwun sih panarima panjenengan sadaya, kersaha paring berkah pangestu puja pangastuti, mugi-mugi Sri panganten sekaliyan sageda nglaksanani kekudanganipun para pinisepuh sadaya.
Sageda Sri panganten sekaliyan antut runtut dumugining kaken-kaken lan ninen-ninen kados mimi lan mintuno , rahayu, widodo kalis ing sambekala. Saha mugi-mugi enggal angsala momongan putra utawi putri ingkang bekti dhumateng Allah SWT., bekti dhumateng rama ibunipun saha para pinisepuhipun, sageda murakabi dhateng bebrayan agung.

* mbok bilih Bapak saha Ibu ……………. ( tuan rumah )wonten kiranging trapsila anggenipun ngacarani, bojakrama para sanak sadherek ingkang tinanggenah among tamu saha kirang mranani anggenipun mapanaken palenggahan, ugi kirangipun trapsila anggenipun para kaneman nyaosaken pasugatan, mugi kersaha para tamu angluntu-raken samodra pangaksami.

Ing wasana para tamu kasuwun keparenga anglajengaken lelenggahan kanthi mirunggan. suka manggung, suka murakabi sedaya pasugatan lan lelangen ingkang sampun sumawis ngantosa dumugi sak paripumaning pawiwahan punika.

Para rawuh para pilenggah kakung sumawana putri ingkang kinaurmatan saha kadang besan sutresna ingkang satuhu bagya mulya.

Menggah atur saking kadang besan lumantar Bapa....................( ingkang pasrah )  hambok bilih sampun pari purna pahargyan siang punika, panjenenganipun ngersakaken nyuwun pamit, kondur wonten dalemipun sowang-sowang, Bapa .......................( tuan rumah ) mboten saged ngantun punopo-punopo, namung saged ngaturaken sugeng kondur sinartan puji donga mugi lampah kondur panjenengan sedaya milai pawiwahan punika dumugining dalemipun sowang-sowang tansah pinarengan rahayu wilujeng tebih saking pringga bayaning margi.

Minangka panutuping atur. mbok bilih anggen kula matur punika kathah cicip cewet kuciwanipun, saha kirang trapsilaning anggen kula matur, kersaha para tamu anglunturaken samodra pangaksama.

Akhirulkalam, billahit taufik wal hidayah
Wassalamu’alaikum Wr. Wb.
berikut ini adalah salah satu video acara pasrah dan panampi pengantin kakung

contoh - contoh mukadimah pidato

CONTOH MUKADIMAH PIDATO

Pada saat kita berpidato atau menjadi Mc/Pranata Cara, diawal kita akan membacakan mukadimah yang isinya bersyukur ke hadirat Allah SWT dan bershalawat  kepada Nabi Muhammad SAW.

Di bawah ini adalah beberapa contoh mukadimah yang bisa digunakan

1. Bismillahirrahmanirrahim alhamdulillahi rabbil ‘alamin wa sholatu wassalamu ‘ala asyrafil anbiya’i wal mursalin sayyidina wamaulana Muhammadin wa ‘ala alihi wa shahbihi ajma’iin, amma ba’du.
2. Alhamdulillahi rabbil ‘alamin, arrahmanirrahim maliki yaumid din, wa shalatu wassalamu ‘ala asyrafil anbiya’i wal mursalin sayyidina wa maulana Muhammadin khatamin Nabiyyina wa imamil mursalin, wa ‘ala alihi thahiriina wa shahabatihi ajma’in, amma ba’du.
3. Alhamdulillahi ‘ala ni’matil islam wal iman wal hidayah, wa kafa biha ni’mah, allahumma shalli wa sallim wa barik ‘ala sayyidina Muhammad dibni ‘abdillah, wa ‘ala alihi wa shahbihi wa mawwalah, lahaula wala quwwata illa billah, amma ba’du.
4. Alhamdulillah wa syukrulillah wa sholatu wa sallamu ‘ala rasulillah sayyidina wamaulana Muhammadin wa ‘ala alihi wa shahbihi wa mawwalah, amma ba’dah.
   Alhamdulillahil wahidil ahad, aladzi lam yalid wa lam yuulad wa lam yakullahu kufuwwan ahad, ahmaduhu subhanahu wata’ala wa asykuruhu, allahumma sholli wa sallim wa barik ‘ala sayyidina Muhammad wa ‘ala alihi wa ash habihi wa man tabi’ahum ila yaumil qiyamah, amma ba’du.
5. Alhamdulillah hilladzi akramnaa bil iimaan, wa a’azzanaa bil islam, wa rafa’na bil ihsan, ahmaduhu subhanahu wata’ala wa asykuruh, allahumma shollia wasallim wa barik ‘ala sayyidina Muhammad wa ‘ala alihi wa shahbihi wa mantabi’ahum bi ihsani ila yaumiddin, amma ba’du. 
6. Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu fala mudzillalah wa may yudlill fala haadiyalah, asyhadu an-laailaaha illallaah wahdahu laa syariikalahu wa asyhadu anna muhammadan ‘abduhu warasuuluhu. Amma ba’d.

sambutan tuan rumah dalam acara kirim do'a ahli kubur dalam bahasa jawa

atur pambagya acara kirim doa/tahlil

Assalamualaikum wr.wb

Alhamdulillah wa syukrulillah wa sholatu wa sallamu ‘ala rasulillah sayyidina wamaulana Muhammadin wa ‘ala alihi wa shahbihi wa mawwalah, amma ba’dah.


Konjuk wonten ngarsanipun para pepundhen, para sepuh, pinisepuh, para sesepuh, ingkang kinabekten, langkung-langkung panjenenganipun .................... ( sesepuh atau kiyai yang hadir ) ingkang tuhu kinurmatan. Para rawuh para lenggah, sepuh miwah anem, ingkang tuhu pantes sinudarsana. Sugeng rawuh, wilujeng dalu, sugeng pepanggihan, lan sugeng pinarakkan kanthi mardikaning penggalih.

Langkung rumiyin, sumangga kula panjenengan ngonjukaken raos syukur wonten ngarsa dalem Allah SWT, karana sih rohmat lan barokahipun ingkang sampun kaparingaken dhumateng panjenengan sedaya lan kula, sahengga ing menika wekdal kula panjenengan saged makempal wonten dalemipun bapak ...................( tuan rumah ) kanthi pinaringan karaharjan, mboten manggih alangan setunggal menapa. Pramila saking menika sumangga nuwun kula dherekaken sesarengan maos kalimah tahmid “alhamdulillahirobbil'alamin.”
Shalawat lan salam mugi tansah lumintu lumintir dhumateng titah linangkung ingkang dados panutan patuladhan kula panjenengan sedaya nenggih Sang Nabi Agung Muhammad SAW ingkang kula panjenengan antu-antu syafa'atipun wonten yaumil qiyamah. Allahumma amin.

Para rawuh para lenggah ingkang tuhu kinurmatan, kula ing ngriki minangka talanging atur Bp/Ibu ...................... ( tuan rumah ) sakulawarga, keparenga nggempil kamardhikan panjenengan sawetawis saperlu ngaturaken wigatosing gati ing kalenggahan menika.

Purwaning atur, Bp/Ibu ................................... sakulawarga ngaturaken sugeng rawuh sinartan agunging panuwun dhumateng panjenengan sedaya awit sampun sami kepareng ndhanganaken penggalih haminaaken wanci saha nglonggaraken wekdal saperlu ngrawuhi menapa ingkang dados panyuwunipun.
Mugi-mugi rawuh panjenengan sedaya menika dadosa ngamal soleh ingkang pikantuk piwales kesaenan saking ngarsa dalem Allah SWT kanthi matikel-tikel. Allahumma amin.

Ewondene menggah hajat tujuanipun Bp/Ibu ..........................( tuan rumah ) ngrawuhaken panjenengan sedaya mboten sanes kejawi badhe pun suwuni bantuan arupi ndherek-ndherek dhedhepe wonten ngarsa dalem Allah SWT, dedonga kanthi waosan kalimah toyyibah utawi tahlil, ingkang khasanahipun mugi dadosa donga pamuji, mugi-mugi para arwah ahli kulawarganipun Bp/Ibu ................ ( tuan Rumah ) ingkang sampun sumare, nuwun inggih:

1. ..............................
2. ...............................
3. ...............................

sak peminggah sak pengandhap mirungganipun, lan sumrambahipun para arwah mukminin-mukminat muslimin muslimat samudayanipun, pikantuka maghfirah saking ngarsa dalem Allah SWT, katampia sedaya amal kesaenanipun, lan pinaringan papan kesaenan saha kanikmatan saking ngarsa dalem Allah SWT satimbang kaliyan darma bekti lan amal kesaenanipun. Allahumma amin.
Dene minangka imam tahlil badhe kasuwunaken dhumateng panjenenganipun ........................( nama imam tahlil )

Ananging sanget ndadosaken kuciwaning manah, dene Bp/Ibu    ........................ ( tuan rumah ) sakulawarga anggenipun nampi rawuh panjenengan sedaya mboten saged atur papan pilenggahan ingkang sarwa sekeca, menapa dene pasugatan samangke ingkang sarwa kirang mahanani, pramila Bp/Ibu .............................( tuan rumah )  sakulawarga sanget anggenipun nyuwun lumunturing sih samodra pangaksama panjenengan sedaya.

Dene kula pribadhi, mbokbilih anggenipun matur lan sowan wonten kalepatan, kekirangan, saha keladukipun, kula tansah tumadhah nyuwun rumentahing sih samodra pangaksami.

Ing wasana, billahittaufiq walhidayah, wassalamua'alaikum wr.wb.

Katur dhumateng panjenenganipun ........................... ( nama imam tahlil ) kula sumanggaaken, nuwun.

contoh mc bahasa jawa acara panggih

contoh mc bahasa jawa acara panggih

Bismillahirrohmanirrohim
Assalamu ‘alaikum Wr. Wb,
Alhamulillaahirabbil’aalamiin. Alhamdulillaahilladzii hadaana lihaadzaa, wamaa kunnaa linahtadiyaa laulaa anhadanallah. Asyhadu anlaailaaha illallahu wahdahulaa syariika lahu, wa asyhadu anna Muhammadan ‘abduhuu warasuuluhu laa nabiyya ba’dah.
Dhumateng panjenenganipun para pepundhen, para sesepuh pinisepuh ingkang hanggung mastuti dhumateng pepoyaning kautaman ingkang pantes pinundhi.
Para pangemban pangembating praja satriyaning negari minangka pandam pandoming saha pangayomaning para kawula dasih ingkang sinuba ing pakurmatan.
Para sarjana, para sujana sujananing budi ingkang sampun wenang hanampi wahyuning kasutapan ingkang satuhu bagya mulya, nun inggih brayat ageng baraya wira wiyata, baraya wira tamtama, para puma karya labet praja ingkang mahambeg luhuring darma.
Para alim, para ulama ingkang rinten dalu tansah sumandhing kitab suci wahyuning Ilahi minangka panuntun keblating panembah ingkang satuhu luhuring budi.
Panjenganipun kadang besan sutresna, miwah sedaya pangombyong temanten kakung ingkang satuhu bagya mulya.
Panjenenganipun satya wredha, carana madya, para tamu kakung sumawana putri ingkang pantes nampi pakurmatan satuhu pantes lamunta sinudarsana.

Langkung rumiyin puja-puji syukur mugi konjuk dhumateng ngarsaning Gusti Ingkang Maha Agung, nuwun inggih Allah SWT, karana sih wilasa miwah barokahipun ingkang sampun kaparingaken dhumateng panjenengan sedaya lan kula sahengga wonten ing menika wekdal kula panjenengan saged makempal wonten menika papan kanthi pinaringan karaharjan, mboten manggih alangan setunggal menapa. Pramila saking menika kula ikroraken kanthi maos kalimah tahmid 'alhamdulillahirobbil'alamin.' Shalawat lan salam mugi tansah lumintu lumintir dhumateng titah linangkung ingkang dados panutan patuladhan kula panjenengan inggih Sang Nabi Agung Muhammad SAW ingkang kula panjenengan antu-antu syafangatipun wonten yaumil qiyamah. Allahumma amin.

Mradapa awit saking keparengipun Bp Darsono Ibu Siti Rofiah, kula ingkang kapitedhan sinaraya hambuka wiwaraning suka  pinangka jejering pambiwara, keparenga hangaturaken urut reroncening tata upacara ingkang sampun rinakit, rinancang dening para kulawangsa ingkang tartamtu kewala kaeneraken wonten ing pawiwahan prasaja ing hari kalenggahan punika. Nun inggih panjenenganipun  Bp Darsono  netebi darmaning asepuh hangrakit sekar cepaka mulya, miwaha siwi mahargya suta. Kanthi raos panalangsa ingkang hamengku karsa nyuwun wonten ngarsanipun Gusti ingkang appearing gesang, miwah nyuwun donga pangestunipun para lenggah, mugi kaleksananing sedya ing hari kalenggahan punika purwa madya wasana tansah pinaringan rahayu wilujeng tebih ing sambekala.
****Caos uninga katur dhumateng para lenggah, bilih titi laksana ijab qabul putra pinanganten, nun inggih Rara Ayu Alfiatun Khasanah, S.Pd  Putra putrinipun Bapa Darsono, ingkang kadhaupaken kaliyan Bagus Siswanto  putra kakungipun Bapa Suwaji Ibu Harni  ingkang pidalem  wonten ing Dusun Boto Desa Boloh kecamatan Toroh , sampun kaleksanan kanthi wilujeng nir ing rubeda, Kanthi satataning nagari miwah agami, saha sineksen para pinisepuh, sesepuh, kala wau enjing, wanci tabuh 08 WIB ( wekdal Nuswantoro Imbang
Pracima Nyarengi surya kaping 20 Agustus  2018 mapan ing dalemipun bapa darsono mriki.
Para tamu kakung sumawana putri, wondene menggah reroncening tata adicara ingkang sampun rinancang rinacik rinumpaka dening para kulawangsa nun inggih :
1.Pambuka
2.Kalejengaken  sowaning putra temanten sarimbit saking sasana busana, kepareng marak sowan lenggah wonten ing sasana rinengga,
3.Ndungkap titi laksana tataran angka 3, lir gumanti pasrah saha panampining putra temanten dening para tetuwangga ingkang piniji.
Atur pasarah badhe kaaturaken dening Bapak, ......................................minangka  sulih sarira saking Bapa Suwaji, ewondene atur panampi badhe kaaturaken dening panjeneganipun Bapak Tholibin minangka talanging basa saking bapa Darsono
4. Kalajengaken adicara ingkang angka 4, nun inggih adicara adat widi widana panggihipun sri atmaja temanten sarimbit muturut tata cara adat ingkang sampun lumampah wonten ing padukuhan Dusun Kedung Desa genengadal mriki.
5.Wondene minangka pratandha paripurnaning pahargyan prasaja ing mangke hambok bilih badhe kapungkasi sak sampunipun wonten pratandha saking kulawarga minangka paran para.

Para rawuh kakung sumawana putri ingkang tansah kinurmatan, makaten menggah urut reroncening tata upacara pahargyan prasaja ing ri kalenggahan punika. Mila awit saking punika mugi wontena suka lilaning panggalih kasuwun para rawuh tansah lelenggahan kanthi mardu mardikaning panggalih sarwi paring puja hastawa puji hastuti saengga paripurnaning pahargyan prasaja ing hari kalenggahan punika.
Para rawuh saha para lenggah, jumbuh kalian urut reroncening tata upacara ingkang ugi karana sampun paripurna risang pinanganten sarimbit anggenya hangadi salira mulas wadana, keparenging sedya sri atmaja temanten kekalih badhe hamarak sowan wonten ngarsa panjenengan sadaya lenggah wonten ing sasana rinengga.
Ibu-ibu, bapak-bapak, saha sanggyaning para rawuh para lenggah ingkang dhahat kinurmatan. Minangka pambukaning adicara dhauping penganten menika, sumangga nuwun kula dherekaken maos ummul kitab sesarengan.
Liridho-illahi ta'ala walisyafa'ati rosulillah SAW al faatihah.

********************
Matur nuwun, mugi-mugi lantaran waosan kalawau adicara menika saged lancar, rancag, mboten manggih alangan setunggal menapa, wiwit purwa, madya, hengga wusananipun. Allahumma amin.

Para tamu kakung sumawana putri ingkang, Satuhu kinabekten,adicara candhakipun nun inggih lir gumanti pasrah saha panampining putra temanten dening para tetuwangga ingkang piniji.
Atur pasarah badhe kaaturaken dening Bapak, ......................................minangka  sulih sarira saking Bapa Suwaji, ewondene atur panampi badhe kaaturaken dening panjeneganipun Bapak Tholibin minangka talanging basa saking bapa Darsono

  Wus tinata titi tataning gati, nun inggih putra temanten kakung sampun jumeneng wonten sangajenging wiwara kepareng badhe hanetebi upacara pasrah, wondene ingkang kepareng hamasrahaken panjenenganipun Bp ___________ minangka sulih salira panjenenganipun Bp SUWAJI, Wondene ingkang piniji hanampi panjenenganipun Bp THOLIB  sesulihipun bapa darsono
hambok bilih sampun samekta ing samudayanipun saha swasana kasumanggakaken dhumateng para – para ingkang piniji, sumangga nun nuwun.
Para rawuh, atur pasrah penganten kakung,konjuk dumateng panjennganipun bp ...............sasana pangandika kawula haturaken.

Nun inggih, cetha terwaca paripurna atur pasrah temanten kakung panjenenganipun ..................... gya tinampi panjenenganipun Bp THOLIB   minangka talanging basa panjenenganipun Bp Dharsono  ing wasana wekdal kasumanggakaken.Nuwun.

Paripurna pasrah panampining putra temanten kakung dening para ingkang piniji kanthi lulus raharja nir ing sambekala. Panjenenganipun para rawuh saha para lenggah, wus dumugi wahyaning mangsa kala laksitaning upacara salajengipun inggih panggihing putra temanten sekalihan, menggah ingkang piniji manggihaken putra temanten nun inggih Ibu Juru Rias Saking sanggar Rias IIS ingkang mapan ownten ing dusun kedung Desa genengadal,inkang menika hambok bilih sapun samapta ing gati dumateng ibu Juru Rias kepareng mratitisaken adicara  panggihipun Sri pinanganten kekalih sumangga nun, nuwun.

Tumapak ing titilaksana adicara ingkang
 
kangge paring wekdal dhumateng para putra ingkang badhe hangaturaken pasugatan saklajengipun katur para lenggah.
Wekdal sumene menika badhe kula aturaken dhumateng group rebana .........................saking .................. saperlu ngregengaken suwasana kanthi ungeling lelagon saking Paguyuban Rebana Kembang Setaman.
Dhumateng para lenggah, mugi kasekecakna angacarani ngunjuk saha dhahar sinambi midhangetaken pasugatan lelagon rebana Paguyuban ............................saking ................. Sumangga.
 Para rawuh para pilenggah ingkang sinuba sagunging pakurmatan, kakung miwah putri. Awit saking berkah pangestu panjenengan sedaya, upacara adat widhi widana Panggih, Krobongan lan Sungkeman sampun paripurna. Ingkang menika ateges upacara pawiwahan sampun purna, ingkang suwaunipun taksih winastan Putra Calon Temanten menggah satataning adat, sakmenika sampun sampurna dados Putra Temanten, dhumateng panjenengan sedaya kaaturaken agunging panuwun
**Salajengipun kasuwun panjenenganipun Ibu juru rias, keparenga hanjengkaraken putra temanten sarimbit saha Bapa ibu kekalihipun tumuju wiwaraning wisma pawiwahan, saperlu hanguntapaken konduring para tamu saha nyuwun tambahing berkah pangestu. Kanthi mekaten pratandha pawiwahan prasaja ing hari kalenggahan punika sampun paripurna, sinartan sesanti jaya2 wijayanti, mugi rahayuha ingkang samya ginayuh.
 *Wahyaning mangsakala wus ndungkap paripurnaning adicara, jumbuh kaliyan urut reroncening adicara: purwa, madya, wasana sampun kalampahan kaleksanakaken dening para kulawangsa, kanthi wilujeng kalis ing rubeda nir ing sambekala. Ingkang menika, minangka pratandha paripurnaning adicara, sumangga sareng-sareng kula dherekaken ngaturaken puja-puji syukur dhateng Gusti Ingkang Murbeng Dumados, inggih awit sedaya kamirahanipun sampun paring rahmat sahengga pahargyan prasaja menika tansah winantu karaharjan.
Minangka pratandha syukur, sumangga sareng-sareng maos lafal Hamdallah, kula dherekaken. …. Alhamdulillahirabbil’aalamiin.
lumantar pangendhaliwara sepisan malih panjenenganipun Bapa Darsono  sekaliyan ngaturaken gunging panuwun saha hambok bilih anggenipun hanampi menggah rawuh panjenengan sami, wonten kuciwaning bojakrami, wonten aruh ingkang kirang wanuh, wonten lungguh ingkang kirang mungguh, mawantu-wantu ingkang hamengku gati nyuwun lumunturing sih samodra pangaksami.
Semanten ugi, kawula minangka pangendaliwara, hambok bilih wonten gunyak-gunyuking wicara miwah kiranging subasita ingkang singular ing reh tata krama, kanthi andhap asoring manah ‘ nyadhong samodra pamgaksami
Wassalaamu’alaikum warahmatullaahi wabarakaatuhu.

CONTOH SAMBUTAN KETUA PANITIA HUT KEMERDEKAAN RI

SAMBUTAN KETUA PANITIA  HUT KEMERDEKAAN RI

ASSALAMU'ALAIKUM WAROHMATULLAHI WABAROKATUH

Bimillahirahmanirrohimi
Alhamdulillahi 'ala ni'matil islam wal iman wal hidayah, wa kafa biha ni'mah, allahumma shalli wa salim wa barik 'ala sayidina Muhammadibni Abdillah, wa 'ala 'alihi wa shahbihi wa mawalah, lahaula wa kuwwata ila billah, amma ba'du

ingkang kawula hormati panjengamipun para pinisepuh, sesepuh aji sepuh ingkang dahat kinabekten rahimakumullah
ingkang kawula hormati para 'alim,  ulama, para kyai, ustadz, ustadzah ingkang tansah kita tengga sedaya pitutur luhuripun, langkung - langkung  wabil ksusus pajenenganipun rama kyai Haji Muhammad Yahya Rosyad, ingkang kita tengga rawuh saha wadharing wursita aji utawi tausyiahipun, ingkang dipun mulyaaken Allah.
wanten ngarsanipun bapak Kepala Desa genengadal , miwah sedaya perangkatipun ingkang kita estuaken sedaya dhawuh pangandikanipun
Panjenganipun para tamu undangan ingkang satuhu kinurmatan
mboten kasupen para rawuh para pilenggah kakung sumawono putri dalah kadang muda taruna ingkang satuhu bagya mulya,
purwakaning atur, sumangga kula dherekaken ngaturaken puji syukur kanthi lafal "Alhamdulillahi robbil 'alamin " . wonteng ngarsanipun gusti ingkang maha welas lan maha asih , Gusti Allah AWT, Awit saking sedaya nugraha lan barokahipun panjenengan lan kula saged kempal manunggal wonten ing menika papan kanthi pinaringan kasarasan saha kabragsawarasa,
Saklajengipun shalawat lan salam mugi tansah kita haturaken dumateng junjungan kita, panutan saha pathuladan kita nun inggih nabi agung Muhammad SAW, mugi  mugi kula lan penjenengan pikantuk syafaatipun awit saking gesang ing dunya menika ngantos dumugi ing akhitat. Amin ya robbal Alamin

Hadirin wal Hadirat saha para tamu undangan ingkang kawula hormati, kawula ing mriki matur minangka wakil saking pemuda saha panitia, ngaturaken sugeng dalu, sugeng pinarakan kanthi mardu mardikaning penggalih
ingkang sepindah Ngaturaken agunging panuwun ingkang tanpa upami, matur sembah nuwun panjenengan sampun kersa  rawuh wonten mriki nglonggaraken wekdal minangkani menapa ingkang dados undanganipun panitia, lan ugi panitia ngaturaken agunging samudra pangaksami hambok bilih mboten saged nampi sarawuh panjenengenan sedaya kanthi sae, mboten saged ngaturaken papan palenggahan ingkang sekeca, saha nyaosaken dedaharan lan unjukan ingkang mirasa.
kaping kalihipun saking panitia ugi ngaturaken panuwun ingkang tanpa penpindahn kagem sedaya warga masyarakat kudung timur mriki ingakang sampun paring sumbangsih awujud dana, wonten ing nig kalodangan punika kawula aturaken bilih sumbangan penjenengan sedaya inkang dipun kempalaken para kadang kaneman totalipun pikantuk ................rupiah,
Alhamdulillah, minat warga kedung timur mriki ageng sanget, katitik saking jumlah sumbangan inkang terus meningkat selama tigang tahun niki rutin ngawontenaken kangge perayaan HUT kamardhikan RI,
Panitia namung saged ngaturaken puji donga mugi sedaya amal kasaenan panjenengan ingkan awujud menapa kemawon, ingkang awujud dana/arto, menapa dene ingkang awujud dedhaharan, minuman, lan sanesipun ugi ingkang sampung paring sumbangsih peralatan tenda saha sampun ngrawuhken pembicara/kyai wonten ing dalu menika dipun tampi minangka amal kesaenan lan mugi pikantuk piwales saking gusti Allah SWT. Mugi mugi Gusti Allah maringi lancar rezeki panjenengan sedaya Amin Allahuma Amin.

pranata cara bahasa jawa acara pengajian

Menjadi MC / Pranata Cara Pengajian Bahasa Jawa

Assalaamu’alaikum warahmatullaahi wabarakaatuhu,

Salam

Selamat datang dalam blog saya. Disini saya akan memposting kegiatan yang menjadi hoby dan kegemaran saya yaitu berbicara atau pidato berbahasa jawa. Walaupun masih dalam tahap belajar tetapi saya memberanikan diri untuk memposting. Mudah-mudahan setelah ini saya bisa menjadi lebih baik dan baik lagi kedepannya.

Kali ini saya akan memposting tentang menjadi mc atau pranata cara dalam acara Pengajian Khitanan ( Walimatul Khitan )

Sebagai MC atau pembawa acara kita harus faham acara apa saja yang akan dilaksanankan pada saat itu, siapa tuan rumah, yang di undang dalam acara itu, siapa pengisinya dan lainnya.

Sebagai permulaan kita akan membacakan mukadimah dibawah ini adalah contohnya.

Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu fala mudzillalah wa may yudlill fala haadiyalah, asyhadu an-laailaaha illallaah wahdahu laa syariikalahu wa asyhadu anna muhammadan ‘abduhu warasuuluhu. Amma ba’d.

Setelah mukadimah kita akan sampaikan penghormatan, dibawah ini adalah urut-urutan yang pantas mendapatkan penghormatan

*        Para orang tua dan yang di tuakan

*        Para cendikiawan

*        Kyiai atau ustad yang mengisi tausyiah

*        Pejabat pemerintahan ( kepala desa, sekretaris desa dan seterusnya )

*        Semua tamu undangan dan yang hadir keseluruhan

Dibawah ini adalah contoh penghomatan dalam bahasa jawa.

Para alim, ulama, saha para kyai ingkang lebda ing pamawas ingkang tansah tinuladha dening para ummat, langkung-langkung wabil khusus dhumateng panjenenganipun almukarrom ……………………….. (nama tokoh yang akan memberikan pengajian/tausyiyah) ingkang tansah kita antu-antu wedharing wursita aji, ingkang dipun mulyaaken Allah;
Para pinisepuh saha para sesepuh ingkang satuhu kinabekten rahimakumullah;

Para pangemban pangembating praja tuwin satriyaning negari minangka pandam pandoming kawula ingkang pantes sinudarsana;

Para bapak / ibu saha para sedherek sedaya kaum muslimin lan muslimat rakhimakumullah.

Setelah penghormatan kita mengucapkan ungkapan rasa syukur kepada Allah, dan juga shalawat kepada Junjungan kita nabi Agung Muhammad SAW.

Purwakaninh Atur sumangga kula dherekaken , ngunjukaken raos syukur dhateng ngarsanipun Allah SWT ingkang dumugi ing titiwanci menika taksih kepareng paring kanugrahan  kawilujengan dhumateng  kula lan panjenengan,  saha saking paringipun sak sae-saenipun ni’mat arupi iman lan Islam. Innalhamda lillaah.

Shalawat saha salam mugi tansah katetepna dhumateng junjungan kita nabi agung Muhammad SAW, para garwa saha putra, para keluarganipun saha para sahabatipun, saengga benjang ing yaumul akhir mugi-mugi kita tansah pikantuk syafaatipun.

Kemudian kita uraiakan maksud acara saat ini dan juga susunan acara dari awal hingga akhir

Para Bapak, para ibu kaum muslimin lan muslimat rahimakumullah. Keparenga langkung rumiyin kula minangka jejering pambiwara ingkang kapiji nderekkaken titi laksananing adicara Pengaosan …………………, nyuwun lumunturing sih samodra pangaksami, denea kula cumanthaka nggempil kamardikan saha munggel pangandikan sawetawis, kinarya amurwakani adicara pengaosan ing ndalu punika. Sak lajengipun, keparenga kula badhe hangaturaken menggah urut reroncening adicara Pengaosan ………………… ing titi wanci punika ingkang sampun rinacik saha rinantam kirang langkung mekaten :

1. Adicara angka sepisan Pambuka
2. Kalajengaken adicara ingkang angka kalih, Waosan Kalamullah ingkang sampun sinerat ing Pustaka Suci Al-Qur’an, ingkang samangke badhe kasarirani dening sedherek ……….
3. Ndungkap adicara ingkang angka tiga, atur pambagyaharja ingkang hamengku gati, ingkang badhe kasarirani sedherek/bapak ……………………… (ketua panitia atau yang ditunjuk)
4. Adicara ingkang angka sekawan, waosan rhatib tahlil saking  Bapa/Kyai …………. (biasanya kiyai atau  orang yang ditokohkan dalam kesempatan pengajian ini).
5. Wondene adicara ingkang angka gangsal, minangka wigatosing pepanggihan dalu punika, nun inggih  Wedharing Pengaosan arupi tausyiyah ingkang badhe kaparingaken dening almukarrom …………………… (sebut nama beserta gelar dan status keagamaannya, misalnya kyai haji atau apa…)
6. Minangka pungkasaning titi laksana pengaosan nun inggih panutup.

Setelah selesai membaca susunan acara, acara yang pertama biasanya adalah pembuka. Dalam acara pembukaan ini bisa kita serahkan kepada sesepauh atau kita pimpin sendiri untuk memulainya

Hadhirin wal hadhirat, kaum muslimin lan muslimat rahimakumullah, mekaten menggah urut reroncening titi laksana adicara Pengaosan Walimatul Khitan  ing dalu punika. Mugi-mugi adicara ingkang sampun karantam menika sageta lumampah kanti rancag winantu barakahipun Gusti Allah SWT. Awit saking menika, sumangga kita sareng-sareng ngaturaken pandonga dhumateng ngarsanipun Gusti Allah SWT mracihnani bilih pepanggihan dalu punika tumunten kawiwitan. Kinarya murwakani adicara pengaosan menika, sumangga kita ngunjukkaen do’a kanti waosan ………………….. (basmalah atau bacaan ummul kitab atau dengan do’a lainnya).

Sabagai penghargaan kepada hadirin yang telah mambaca pembukaan bersama

Matur nuwun.

Ndungkap adicara ingkang angka kalih, nun inggih Waosan Kalamullah ingkang badhe kasarirani dening sedherek ……………………. Anamung saderengipun, kasuwun dumateng sedaya jamaah mugi kepareng hamidangetaken saha hangraosaken ing sak lebeting manah jer menika Pangandikanipun Allah SWT. Sadereng lan sasampunipun dipun aturaken agunging panuwun. Salajengipun, dhumateng sedherek …………… wekdal kasumanggaaken.

Paripurna waosan ayat-ayat suci ingkang sampun kaaturaken. Ing pangajab, mugi kanthi waosan kala wau manah kita langkung tinarbuka saengga saget ayom ayem tentrem dumigi sak lami-laminipun. Ugi dhumateng sedherek ingkang sampun ngaturaken waosan kala wau pikantuk ganjaran saking ngarsanipun Allah SWT. Amiin yaa rabbal ‘aalamiin.

Ndungkap adicara ingkang angka tiga, atur pambagyaharja. Dhumateng sederek / Bapak …… wekdal kasumanggaaken.

Berikan tambahan perkataan setiap pergantian acara sehingga tidak terdengar membosankan

Mekaten menggah atur pambagyaharja. sampun kaaturaken, ingkang salajengipun tumapak ing titi laksana ingkang angka sekawan, waosan rhatib tahlil  saking panjenenganipun bapak kyi………… (mungkin pejabat tertinggi di lingkungan sini atau tokoh yang dikehendaki panitia untuk memberikan sambutan). Anamung sakderengipun, midherek atur saking panitia, titi laksitaning adicara badhe kasigeg sawetawis kinarya paring wekdal dhateng para kanca ingkang badhe angaturaken pasugatan prasaja. Dhumateng para rawuh ingkang sampun kaladosan, mugi kepareng tumunten anyekecaaken ngunjuk sarta dhahar kanthi merdikaning penggalih. Salajengipun adicara kasumeneaken sawetawis.

Para rawuh, ing pangajab wekdal sumene menika ketingal regeng, ing ngarsa panjenengan sedaya badhe kaaturaken pasugatan saking Paguyuban Seni Rebana "Sabda Ria" saking Pedukuhan Kedung, Desa Genengadal. Ingkang menika, wekdal sumene kaaturaken dhumateng panjenganipun Bapak Slamet saha Bapak Sutato minangka pengesuhing paguyuban. Dhumateng para rawuh, sugeng midhangetaken kanthi merdikaning penggalih. Sumangga.

Jamaah pengaosan rakhimakumullah, kanthi niat nggemeni wekdal, wekdal sumene kula suwun kinarya anglajengaken adicara candhakipun.

Adicara ingkang angka sekawan waosan rhatib tahlil kinarya paring do'a dumateng para ahli kubur ingkang hamengku gati sumrambah ahli kubur kula panjenengan sami, ingkang badhe dipun imami dening panjenenganipun Bapak kyai…………… Dhumateng bapak kyai………. wekdal sacekapipun kaaturaken. Sumangga.

Kaaturaken agunging panuwun dhumateng panjenenganipun bapak kyai……ingkang sampun kepareng paring pangandika.

Hadhirin wal hadhirat, kaum muslimin lan muslimat rahimakumullah, purwa lan madyaning pepanggihan sampun kita lampahi kanthi kalis ing rubeda. Tumapaking adicara salajengipun wedharing wursita aji saha tausiyah ingkang minangka sari lan wigatosing pepanggihan menika. Ingkang menika, dhumateng almukarron bapa kyai…..kasuwun paring pengaosan saha wedharing tausiyah ing pepanggihan pengaosan …… dalu punika. Dhumateng almukarrom …….. wekdal sacekapipun kaaturaken. Sumangga.

Ngaturaken sanget agunging panuwun dhumateng panjenanganipun almukarrom……ingkang sampun paring piwucal luhur dhateng para jamaah ing dalu menika. Saestu sedaya pangandika saha piwucal luhur menika ndadosaken tuladha tumrap kita ingkang rawuh saha midhangetaken wedharing pengaosan.

Sebagai penutup ucapkan kata permintaan maaf , bagaimanapun juga pasti ada kata-kata kita yang kurang tepat baik pengucapan , intonasinya kurang pas ataupun artikulasi yang kurang bagus

Para bapak, para ibu sarta sedherek sedaya rakhimakumullah, purnaning wedharing pengaosan menika, mracihnani bilih titi laksitaning adicara pepanggihan ing dalu punika sampun paripurna. Anamung saderengipun pepanggihan menika kapungkasi, kula ingkang piniji ndherekaken lampahing adicara, mbok bilih pinangih atur ingkang kirang nuju prana saha tindak tanduk ingkang kirang nengsemaken, kanthi andhap asoring manah kula nyuwun gunging samodra pangaksami.

Muslimin lan muslimat, ingkang kinurmatan, minangka pratandha panutuping adicara dalu punika, sumangga sareng-sareng kita ngunjukaken raos syukur dhateng ngarsanipun Gusti Allah SWT karana maos lafal Hamdalah, kula dherekaken. Alhamdulillaahirabbil’aalamiin.

Wusana, ngaturaken sugeng kundur mugi tansah rahayu ingkang sami pinanggih.

Wassalaamu’alaikum warahmatullaahi wabarakaatuhu.

Demikianlah tulisan saya tentang bagaimana menjadi seorang pembawa acara/pranata cara acara menggunakan bahasa jawa. Terima kasih, mudah-mudahan bermanfaat.
baca juga contoh pranata cara yang lainnya :
pranata cara peringatan HUT RI 
pranata cara singkat panggih temanten