Tuladha Atur Pambagya Badhe Ngawontenaken Pahargyan ( Acara Kirim Slamet )

Tuladha Atur Pambagya  Badhe Ngawontenaken Pahargyan ( Acara Kirim Slamet )

Salah satu adat yang dilakukan dikampung saya sebelum, seorang warga akan melaksanakan pahargyan atau hajatan, baik itu menikahkan atau khitanan, maka beberapa hari sebelumnya akan melaksanakan kendurenan, yang biasa disebut dengan kirim slamet. Kendurenan ini bertujuan mengirim do'a kepada ahli kubur yang punya hajat, kemudian dilanjutkan dengan pembentukan panitia kecil saat pelaksanaan hajatan nantinya.

Urutan acarnya adalah membaca Surat Ikhlas, selengkapnya dilanjutkan tahlilan. Setelah selesai para pemuda akan menyajikan hidangan baik minuman, makanan. Setelah makan utama akan disajikan hidangan tambahan, bisa berupa buah-buahan atau makanan kecil seperti kacang rebus, lemper, dan lainnya. Nah disaat inilah wakil dari tuan rumah akan mengumumkan hajat tuan rumah, baik waktu, tempat, lengkap dengan tugas-tugas tertentu kepada seseorang yang telah ditunjuk.

Berikut ini adalah contoh untuk pembukaan sebelum acara tahlilan di mulai, biasanya langsung oleh imam atau modin yang memimpin tetapi bisa juga oleh wakiltuan rumah sehingga modin hanya memimpin do'a saja.

Assalamu'alaikumm warohmatullahi wabarokatuh


Bismillahirrahmanirrahim alhamdulillahi rabbil ‘alamin wa sholatu wassalamu ‘ala asyrafil anbiya’i wal mursalin sayyidina wamaulana Muhammadin wa ‘ala alihi wa shahbihi ajma’iin, amma ba’du.

• Para sesepuh, pinisepuh , ajisepuh ingkang satuhu kinurmatan
• Para waruh bapak lan ibu sedaya ingkang satuhu bagya mulya
• Lan ugi para kadang kaneman ingkang tansah kula tresnani

 Sumangga sakderengipun kula dherekaken ngonjukaken raos syukur kita wonten ngarsa dalam gusti ingkang Maha Mirah nun inggih Gusti Allah SWT, awit saking pinten-pinten rahmat lan hidayahipun kula lan panjenengan saged mekempal wonten ing dalemipin Bapak Paino, kanthi lumebering kabragas warasan. Mila saking menika sumangga sareng-sareng kita ikraraken kanthi lafal hamdalah sesarengan Alhamdulillahirobbil 'alamin.
Shalawat lan salam sumangga kita haturaken dhumateng junjungan kita Nabi Agung Muhammad SAWlumeber dhumateng kaluwarga sumarambah para sahabatipun Abu bakar, Umar, Utsman lan Ali, mugi -mugi kanthi waosan shalawat Allahumma sayidina Muhammad, panjenengan miwah kula saged kagolongaken umatipun inkang pikantuk syafaatipun, wonten ing dunya lan ugi akhirat. Amin allahuma amin.

Baca Juga : Sambutan Tuan Rumah acara Tahlilan (saat pengajian malam sebelum hajatan )
Baca Juga : Teks Ijab Kendurenan
Baca Juga : Contoh Atur Kendurenan

Para rawuh para lenggah ingkang satuhu bagya mulya, keparenga kula nggempil kamardhikan panjenengan sawetawis, awit minangkani panyuwunipin  Bapa Paino sakulawarga, saperlu dados talanging atur ngaturaken wigatosing gati ing kalenggahan menika.

Purwaning atur, Bp/Ibu .............................. sakulawarga ngaturaken sugeng rawuh sinartan agunging panuwun dhumateng panjenengan sedaya, awit sampun sami kepareng ndhanganaken penggalih saha nglonggaraken wekdal saperlu ngrawuhi menapa ingkang dados undangan lan panyuwunipun. Mugi-mugi rawuh panjenengan sedaya menika dadosa ngamal soleh ingkang pikantuk piwales kesaenan sangking ngarsa dalem Allah SWT kanthi matikel-tikel. Allahumma amin.

Wondene menggah hajat tujuanipun Bapa Paino ngrawuhaken panjenengan sedaya ing papan menika, nuwun inggih badhe pun suwuni bantuan arupi ndherek-ndherek dhedhepe wonten ngarsa dalem Allah SWT, dedonga kanthi waosan kalimah toyyibah Surat Ikhlas kalajengaken tahlil, ingkang khasanahipun mugi dadosa donga pamuji, mugi-mugi para arwah ahli kulawarganipun Bapa Paino, ingkang sampun sumare, Ewandene  imamipun nun inggih panjenganipun Bapa Kyia ALi Munasir, S,Ag. Menggah ahli kuburupin Bapa Paino sak keluawarga nuwun inggih:

1. Simbah.............
2. Simbah.............
3. lan sak piturute

sakpeminggah sakpengandhap mirungganipun, lan sumrambahipun para arwah mukminin-mukminat muslimin muslimat samudayanipun, pikantuka maghfirah saking ngarsa dalem Allah SWT, katampia sedaya amal kesaenanipun, lan pinaringan papan kesaenan saha kanikmatan saking ngarsa dalem Allah SWT satimbang kaliyan darma bekti lan amal kesaenan rikala sugengipun. Allahumma amin.

Kejawi saking menika Bapa Paino sakulawarga badhe nyuwun berkah pendonga lan pangestu panjenengan sedaya, awit salah setunggaling putra ing kulawarga menika ingkang peparab/sesilih Dyah Ayu Siti Similikiti, S.Pd,  insyaAllah badhe nglampahi sunnah rosul mangun bebrayan ingkang kawastanan nikah, nuwun inggih badhe pikantuk Bagus ...................  putranipun Bp/Ibu  Paidi ingkang pidalem ing ..............................

Ingkang saking menika keparenga para rawuh para pilenggah paring puji pendonga lan pangestu mugi-mugi, anggenipun calon manten kekalih sumedya mangun bebrayan ing mangke, tansah manggih kawilujengan, kalis ing rubeda, tan manggih alangan setunggal menapa. Allahumma amin.

INgkang salajengipun, hambombokbilih Bp/Ibu Paino sakulawarga anggenipun nampi rawuh panjenengan sedaya wonten kirang ing tanggap tata akrami, menapadene anggenipun atur papan palenggahan saha pasugatan samangke kirang adamel sukarenaning penggalih panjenengan sedaya, Bp/Ibu Paino sakulawarga sanget anggenipun nyuwun lumunturing sih samodra pangaksama.

Dene kula pribadhi, mbokbilih anggenipun matur wonten kalepatan, kekirangan, saha kalucutipun, keparenga panjenengan sedaya hangrentahaken sih samodra pangaksami.

Ing wasana, billahittaufiq walhidayah, wassalamua’alaikum wr.wb.

Katur dhumateng panjenenganipun Bapa kyai Ali Munasir, S.Ag, wekdal kula sumanggaaken.

Contoh Naskah Pidato Pamitan dalam Acara Lamaran / Pernikahan Bahasa jawa

Contoh Naskah Pidato Pamitan dalam Acara Lamaran / Pernikahan Bahasa jawa

Cinta-budayajawa.blogspot.com-Pembaca yang baik hati pada  kesempatan ini admin akan membagikan naskah pamitan dalam acara lamaran atau pernikahan. Pidato pamitan ini jarang digunakan karena biasanya sudah disampaikan saat acara pasrah dan panampi baik lamaran/pernikahan.
Pidato pamitan ini lebih singkat dari pada pasrah atau panampi. Baiklah ini contohnya.

• Tuladha Atur Pamitan Lamaran

Bismillahirrohmanirrohimi
Assalamu'alaikum warohmatullahi wabarokatuh
 
kemudian membaca bacaan mukadimah selengkapnya baca di contoh-contoh mukadimah

Panjenengenipun para sesepuh, para ajisepuh saha pinisepuh ingkang pantes hanampi sagunging pakurmatan. Punapa dene panjenenganipun para rawuh kakung sumawana putri ingkang pantes sagunging pakurmatan

Ngatureken sewu agunging aksama, dene kula parikedah angridu, anggen panjenengan sedaya katemben wawan pangandikan, Nun inggih keparenga kula sumela atur ing ngarsanipun Bapa.............. sekalihan ( ingkang hamengku gati ) sumrambah para rawuh sedaya.

Syukur alhamdulillah, adicara pasrah lamaran sampun kalampah kanthi wilujeng tan manggih alangan setunggal menapa, inggih awit saking rahmating Gusti Allah Ingkang Maha Welas saha Maha Asih, punapa dene berkah pangestunipun para tamu sedaya.

Kula ingkang piniji pinangka sulih salira talanging basa saking panjenenganipun Bapa ........... sekalhan, rehning adicara pasrah sarana miwah upakarti pinangka jejangkeping tata cara salaki rabi, samudayanipun sampun paripurna mboten kirang satunggal punapa, mugi kalilalana kula sapangombyong keparenga nyuwun pamit madal pasilan, daya-daya maturing ngarsanipun Bapa.............. sekalihan ( ingkang hamengku gati ), bab purnaning sedaya ingkang dados sesanggeman kula. Ingkang punika, nyuwun tambahing puji pangestu, mugi lampah kula sarombongan tansah manggih rahayu wilujeng kalis saking bayaning marga.

Minangka puputing atur, hambok bilih anggen kula matur wonten tutur ingkang kalantur-lantur miwah kiranging suba sita ingkang hanuju prana, kula tansah nyuwun lumunturing sih samodra pangaksama.

Akhirul kalam, billahi taufik wal hidayah
Wassalamu'alaikum warohmatullahi wabarokatuh

•  Tuladha Atur Wangsulan Pamitan Lamaran

 Bismillahirrohmanirrohimi
Assalamu'alaikum warohmatullahi wabarokatuh

Kanthi linambaran trapsila ing budi miwah ngaturaken sewu agunging aksama, inggih mradapa awit keparengipun Bapa.............. sekalihan ( ingkang hamengku gati ), kula piniji pinangka talanging basa, saperlu caos wangsulan pamundhut palilah pamitipun kadang kula wakil saking badhe/calon kadang besan sutresna.

Dhumateng panjenenganipun Bapa..............  ingkang minganka sulih salira saking panjenenganipun badhe kadang besan ingkang pantes katuran sagunging pakurmatan

Kanthi suka bingahing manah panjenenganipun Bapa.............. sekalihan ( ingkang hamengku gati ), nampi karawuhan panjenengan sarombongan, ingkang sampun angestreni lampahing adicara pasrah sarana miwah upakarti pinangka jejangkeping tata cara salaki rabi. Ingkang punika sepindhah malih ngaturaken sewu agenging panuwun ingkang tanpa pepindhan.

Dene panjenengan kepareng mundhut pamit, kula mboten kadugi hamambengi, namung saged ndherekaken sugeng kondur saha ngaturaken puji donga dhumateng Gusti, mugi - mugi jengkar panjenengan sedaya saking pawiwahan  mriki dumugi ing dalem, tansah manggih rahayu wilujeng sepen sambe kalaning margi.

Minangka pungkasaning atur, hambok bilih menawi wonten kuciwaning boja krama anggenipun  Bapa.............. sekalihan ( ingkang hamengku gati )ngacarani menggah ing rawuh panjenengan, mugi lumeberna sih samodra pangaksama. Semanten ugi kula minangka talanging basa hambok bilih kawula matur wonten kiranging suba sita ingkang singlar ing reh tata krami, kupat duduhe santen menawi lepat nyuwun  pangapunten

Akhirul kalam, billahi taufik wal hidayah
Wassalamu'alaikum warohmatullahi wabarokatuh

demikian contoh untuk pidato pamitan lamaran, sedangkan untuk pamitan acara pernikahan pada intinya sama, tinggal di ubah maksudnya saja. Kata lamaran diganti dengan Pasrah Pengantin Kakung

Terima kasih sekali kepada pembaca yang baik hati yang setia membaca setiap postingan dalam
cinta-budayajawa.blogspot.com ini.

contoh teks pidato pambagya harja, pasrah dan panampi lamaran dalam bahasa jawa lengkap

 CONTOH TEKS NASKAH  PIDATO PAMBAGYA HARJA, PASRAH DAN PANAMPI DALAM ACARA LAMARAN ADAT JAWA

Para pembaca yang budiman dalam postingan sebelumnya admin memposting tentang  contoh teks naskah Pranata Cara/MC acara lamaran dalam bahasa jawa, kali ini admin memposting teks naskah pidato dalam acara lamaran adat jawa tentunya dalam bahasa jawa yang ada dalam prosesi lamaran adat jawa. Baiklah inilah contohnya sesuai dengan urutannya.

1. Tuladha Atur Pambagyaharja Pasrah Lamaran

Bismilahirrohmanirrohimi
Assalamu'alaikum warohmatullahi wabarokatuh


 Alhamdulillahi 'ala ni'matil islam wal iman wal hidayah, wa kafa biha ni'mah, allahumma shalli wa sallim wa barik 'ala sayyidina Muhammad dibi Abdilah, wa 'ala alihi wa shahbihi wa mawwalah, lahaula wala quwwata illa billah, amma ba'du

• Konjuk wonten ngarsanipun para pepundhen, para pinisepuh, para sesepuh ingkang pantes pinundi
• Para kadang duta saraya saking calon/badhe besan minangka cundhaka ingkang pantes kinurmatan
• Para lenggah kakung miwah putri  ingkang satuhu bagya mulya.

Keparenga kula mambeg saha nggempil kamardhikan panjenengan sedaya karana kula piniji panjenenganipun Bapa...................sekalian, kinen ngaturaken pambagya harja, raos suka ebahing manah bingah saha lekasing sedya ing kalenggahan punika.
Pinangka Purwakaning atur sumangga nun tansah kula dhereaken ngaturaken puii syukur wonten ngarsa dalem gusti Allah ingkang Maha Welas lan Asih, karan sih wilasa miwah barokah ingkan rumentah dhumateng panjenengan sedaya dalasan kula, saengga ing kalenggahan punika taksih saged kempal manunggal kanthi pinayungan karaharjan tebih ing sambekala. Pramila saking menika sumangga kita ikraraken kanthi lafal hamdalah, Alhamdulillahirobil'alamin.
Mboten kekilapan shalawat lan salam mugi tansah tetep kita haturaken dhumateng junjungan kita nabi Agung Muhammad SAW, mugi kita sedaya pikantuk syafaatipun Amiin ya robbal alamin.

Para rawuh ingkang dahat kinurmatan, madyaning pepanggihan punika Bapa ................sekalian lumantar kula hangambali atur, sugeng rawuh awit karawuhan para pepundhen miwah para pinisepuh langkung-langkung para kadang duta saraya tresna, sinarengan raos panuwun ingkang tanpa pepindhan mugi keparenga panjenenganipun para rawuh kasuwun lelenggahan kanthi mardu mardikaning panggalih.

Para tamu miwah para lenggah ingkang satuhu bagya mulya, lekas wekasing sedya wigatosing gati keparenga kula aturaken nadyan panjenengan sedaya hambok bilih sampun mangertosi gatining sedya ing kalenggahn punika.. Nun inggih ing nguni panjenenganipun Bapa................sekalian garwa sampun nggumolongaken pirembagan kalihan panjenenganipun bapa...................( besan ) , karana ing pangajab sami-sami netepi darmaning asepuh nedya ngraketaken balung apisah daging arenggang, ingkang antawisipun Bapa................sekalian garwa kagungan putra ingkang kekasih bagus ....................panjenenganipun bapa...................( besan )nggadahi putri ingkang  sesilih roro ayu.................... manunggaling sedya ingkang sampun jumbuh handhaupaken satataning adat. Inggih awit samudayanipun sampun manunggal cipta rasa miwah karsanipun ing kalengahan punika badhe kaleksanaaken tata upacara pasrah panampining upakarti winastan lamaran.

Mugi-mugi lekas wekasing sedya saged kasembadan ingkang sami ginayuh, panyuwunipun Bapa................sekalian garwa mugi wontena jumuringing pamuji hastuti saking para lenggah sedaya hanggenya Bapa................sekalian garwa badhe nampi pasrahipun tansah manggih rahayu wilujeng.

Hambok bilih Bapa................sekalian garwa sumarambah para kaluwarga anggenipun nampi karawuhan panjenengan sedaya wonten kiranging tanggap tangguh miwah gupuh labet hanglenggana budi dayaning manungsa kirang sampurna , awit saking punika Bapa................sekalian garwa nyadhong agunging samodra pangaksama.

Ing wasana puput pepuntoning atur hambok bilih wonten atur kula mboten mranani dhiri saha hanuju prana labet kiranging seserepan kula ing reh subasita kula nyadhong samodra pangaksami. Cekap semanten wekdal kula aturaken kadang pranata adi cara.Nuwun

Wassalamu'alaikum warohmatullahi wabarokatuh.

2.Tuladha atur pasrah lamaran saking duta saraya pinangka sulih sarira saking calon kadang besan

Bismilahirrohmanirrohimi
Assalamu'alaikum warohmatullahi wabarokatuh

 Bismillahirrahmanirrohim alhamdulillahi rabbil 'alamain wa sholatu wassalamu 'ala asrafil anbiya'i wal mursalin sayyidina wamaulana Muhammadin wa 'ala 'alihi wa shahbihi ajma'in, amma ba'du

• Para pepundhen, para pinisepuh, para sesepuh ingkang satuhu pantes pinundi pundi
• Panjenenganipun purna karya labet praja, ingkang satuhu dahat kinurmatan
• Para santana warga saking Bapa................sekalian garwa ingkang kinurmatan
• Para lenggah kakung miwah putri,miwah kadang wredha taruna  ingkang satuhu bagya mulya

Amit pasang paliman tabik, ila-ila dina sinabetna ing ila duni tinebihna tulak sarik dhumawahing tawang towang, mugi linepato saking siku dendhaning Gusti Allah ingkang Maha Agung, kalilana kula matur kanthi ngadeg wonten ngarsa panjenengan sedaya saperlu nggempil kamardhikan panjenengan ingkang katemben wawan pangandikan, karan ing kalenggahan punika kula piniji ngembani wuwus dados duta saraya miwah cundaka sulih sariranipun  Bapa................sekalian

Tinarbuka kepareng langkung rumiyin  kula ngaturaken puji syukur Alhamdulillahirobil'alamin wonten ngarsa dalem Gusti Allah ingkang Maha Kawasa awit saking barokah saha rohmatipun ingkang tansah keparingaken dhumateng panjenengan sedaya dalasan kula, saengga maksih pinaringan  kempal manunggal kanthi karaharjan tebih ing sambekala. Sinawung raos suka ing ngajeng keparenga kula ngaturaken  wosing gati menggahpisowan kula sakadang.

Nun inggih maligi wonten ngarsanipun Bapa................sekalian ingkang hamengku gati kula minangka sulih saliranipun Bapa............sekalian ngaturaken salam taklim mugi wonten ngarsa panjenengan sumrambah para kaluwarga samudayanipun. Wondene wigatosingisowan kula sakadang saperlu ngaturaken wudharing gantha babaring sedya. Nun inggih ing nguni  Bapa............sekalian sami-sami nggadahi pirembagan ingkan ging antawisipun Bapa............sekalian nggadahi putra jalu kekasihipun Bagus .................. wondene Bapa................sekalian ingkang hamengku gati nggadahi kenya taruni sesilih Roro Ayu .................. gumolonging pirembagan nedya ngraketaken balung apisah daging arenggang bebasan ngebun-ebun enjang ajejawah sonten ndodho latar ndodhok lawang sumedya nginang jambe suruhe , kanthi atur mekaten karana sampun jumbuh anggenipun pepetangan, saha  sampun manunggal cipta rasa miwah karsan agenging manah ingkang tanpa pepindhan Bapa............sekalian anggenya sampun katampi panglamaripun pramila ing kalenggahan menika  Bapa............sekalian ngaturaken sarana miwah upakarti pinangka jangkeping tatacara salaki rabi.

Nun inggih perlu kula aturaken wonten ngarsa Bapa............sekalian  garwa ingkang hamengku gati. Sanggan saha majemuk ingkang sampun woten wujudipun kanthi pangajabing sedya dadosa sarana sahipun sesanggeman miwah raketing kekadangan temah mboten saged pisah salami-laminipun. Kasoking katresnan Bapa............sekalian dhumateng Bapa............sekalian  garwa ingkang (hamengku gati) ing mriki badhe ngaturaken malih ageman ingkang awujud ing pangajab minangka agemanipun badhe calon penganten putri.

Mboten kekilapan Bapa............sekalian ngaturaken redana wujuding arta kenginga damel ngentheng-ngenthengi anggenipun  Bapa............sekalian  garwa ingkang (hamengku gati) netepi darmaning asepuh miwaha siwi mahargya suta. amung panyuwunipun Bapa............sekalian, mugi keparenga calon penganten kadhaupaken saha kapanggihaken  miturut satataning agami miwah adat ingkang sampun lumampah ing tlatah kampung ..... mriki. Hambok bilih Bapa............sekalian anngenipun ngaturaken sarana wonten kekiranganipun labet budi dayaning manungsa kirang sampurna mila awit saking menika Bapa............sekalian  garwa ingkang (hamengku gati) mugi hangandhapno samodra pangaksama ingkang agung.

Pepuntoning atur kula minangka sulih salira saking Bapa............sekalian menawi wonten gonyak-ganyuking wicara kiranging suba sita  ingkang singlar ing reh tatakrama miwah kasusilan, mugi diagung pangaksama panjenengan sedaya. ing wasana wabilahitaufiq wal hidayah

Wassalamu'alaikum warohmatullahi wabarokatuh 

3. Tuladha atur panampi pasrah lamaran

Bismilahirrohmanirrohimi
Assalamu'alaikum warohmatullahi wabarokatuh

Alhamdulillahi 'ala ni'matil islam wal iman wal hidayah, wa kafa biha ni'mah, allahumma shalli wa sallim wa barik 'ala sayyidina Muhammad dibi Abdilah, wa 'ala alihi wa shahbihi wa mawwalah, lahaula wala quwwata illa billah, amma ba'du

• Dhumateng para pepundhen, para sesepuh, para ajisepuh saha para pinisepuh ingkang satuhu pantes pinundi pundi
• Panjenenganipun purna karya labet praja, ingkang satuhu dahat kinurmatan
• Para kadang duta saraya saking calon/badhe besan minangka cundhaka ingkang pantes kinurmatan
• Para lenggah kakung miwah putri,miwah kadang wredha taruna  ingkang winantu ing suka basuki

Hangemban wuwus saking karsanipun Bapa............sekalian  garwa ingkang (hamengku gati), ing kalenggahan punika kula piniji pinangka sulih salira kinen nampi pasrahipun Bapa ........ minangka cundhaka badhe/calon kadang besan sutresna.
Minangka purwakaning atur kula ugi ndhereaken ngaturaken puji syukur wonten ngarsa dalem gusti Allah ingkang Maha Welas lan Asih, awit  sih wilasa miwah barokah ingkang tansah sinandhang panjenengan sedaya dalasan kula, pramila sumangga kula dherekaaken mos kalimah tahmid Alhamdulillahirabil'alamin

Nun inggih panjenenganipun Bapa ............ (ingkang pasrah) ingkang pantes sinudarsana, sedaya atur pasrah panjenengan hambok bilih sampun mboten wonten ingkang karempit, kanthi raos suka ingkang tanpa papindhan Bapa..................sekalian  (ingkang hamengku gati), lumantar kula.

Nun inggih atur salam taklim saking badhe / calon kadang besan lumantar penjenenganipu kula tampi. Wondene atur pasrah paringipun sarana jejangkeping salaki rabi, kula tampi kanthi renaning manah, ing mangke badhe kula aturaken wonten ngarsanipun  Bapa..................sekalian  (ingkang hamengku gati). Atur panyuwunipun  saking badhe/calon kadang besan menggah panggih lan ijabipun badhe/calon pengantin mangke badhe kaleksanaaken ijab wanci tabuh..........panggih wanci tabuh............... mboten kekilapan panjenenganipun Bapa..................sekalian  (ingkang hamengku gati),amung ngaturaken panuwun menggah sedaya peparingipun badhe/calon kadang besan sutresna, pratandha yekti kasoking katresnan dhumateng Bapa..................sekalian  (ingkang hamengku gati), mugi dadosa raketing kekadangan sami-sami netepi darmaning asepuh anggenya ngentas pitulus putra pinaringan raharja mulya.

Amung semanten panampi saking Bapa..................sekalian  (ingkang hamengku gati) lumantar kula. Ngaturi uninga wahyaning mangsa kala tumapaking adicara saklajengipun nun inggih kaleksaanipun adicara liru kalpika.

Pepuntoning atur kula hambok bilih  kirang hanuju prana anggen kula nampi labet kula hanglenggana kiranging seserepan saha kirang pana dhumateng wewatoning para winasis ing reh basa tuwin sastra ingkang punika panjenenganipun Bapa ............ (ingkang pasrah)sumarambah para lenggah sedaya  mugi hangandhapna agunging pangaksama  ing wasana wabilahitaufiq wal hidayah

Wassalamu'alaikum warohmatullahi wabarokatuh 

Demikian postingan tentang contoh teks pidato pambagya harja, pasrah dan panampi lamaran dalam bahasa jawa. Contoh ini bisa ditambah dan dikurangi sesuai prosesi lamaran adat jawa yang biasa dilaksanakan ditempat pembaca yang budiman.Terima kasih telah berkunjung di blog saya, semoga semua postingan saya bermanfaat.

Contoh teks naskah Pranata Cara / MC acara lamaran dalam bahasa jawa

 Contoh teks  naskah Pranata Cara / MC acara lamaran dalam bahasa jawa

Para pembaca yang budiman, postingan kali ini adalah contoh naskah untuk pranata cara acara lamaran sesuai dengan urutan prosesi lamaran adat jawa

TULADHA PRANATA CARA ADICARA ING PAHARGYAN LAMARAN

• Tuladha Atur Pambuka Pranata Adicara Pasrah Panampining Lamaran

Bismiliharirohmanirrohim

Assalmu'alaikum  Warohmatullahi Wabarokatuh

(Setelah salam membaca mukadimah )Kemudian membacakan penghormatan terhadap para hadirin.

Panjenenganipun para pepudhen, para ajisepuh, para sesepuh dalah pinisepuh ingkang hanggung mastuti dhumateng pepoyaning kautaman ingkang pantes pinundhi, para duta saraya saking kadang besan sutresna ingkang satuhu pantes kinurmatan, para lenggah kakung  putri, miwah kadang wredha ingkang winantu ing suka rahayu.

Mradapa awit saking keparingipun Bapa................( ingkang hamengku gati )sekalihan sumrambah para kulawangsa ing kalenggahan punika kula piniji minagka pambiwara wontenipun upacara pasrah panampining upakarti miwah lamaran kinarya jejangkeping tata cara salaki rabi.

Namung sakderengipun kula ngaturaken urut reroncening adicara ingkang sampun karakit dening para kaluwarga, cundhuk kaliyan kuncaraning bangsa ingkang linambaran agunging Pancasila sumangga nun kula.dherekaken ngaturaken puji syukur wonten ngarsa dalem Allah SWT ingkang Maha Agung, karana agenging barokah  saha rahmat ingkang sampun keparing-aken dhumateng panjenengan sedaya dalasan kula. Mboten  kasupen shalawat lan salam mugi tansah kita haturaken dhumateng junjungan kita nabi Agung Muhammad SAW, sumrambah kaluwarga miwah para sahabatipun, mugi -mugi kita pikantuk syafaatipun benjang ing yaumil kiamah, Amiin.

Sinawung raos syukur ing ngajeng, mugi lampahing adicara pasrah panampi lamaran saha upakarti minangka sarana jejangkeping palakrama tansah pinaringan rahayu tebih ing sambekala.

Nun inggih para lenggah ingkang sinuba ing pakurmatan, kepareng pranata adicara murwani lekasing sedya ingkang punika enggal badhe binuka lampahing upacara pasrah panampi kanthi ngaturaken reroncening adicara ingkang rinantam dening para kulawangsa.

• Tinarbuka atur pambagya harja saking ingkang hamengku gati dening tetuwangga ingkang sampun piniji
• Atur lamaran miwah upakarti dening pangarsaning duta saraya pinangka sulih sarira saking badhe / calon kadang besan
• Atur panampi dening tetuwangga inkang piniji ingkang minangka sulih saliranipun Bapa............ ingkang hamengku gati.
• Kaleksananing liru kalpika rukmi.
• Tanggap wacana  saking pinisepuh utawi mauidhoh khasanah
• Paripurnaning adicara / kendurenan
• Konduripun kadang besan sutresna

baca juga : tuladha pasrah temanten kakung
atur panampi temanten
tuladha atur pambagya harja pahargyan temanten



Makaten para tamu saha para rawuh, urut reroncening tata adicara pasrah lamaran ingkang sinanggit dening para kaluwarga, kasuwun wontena suka waning pengalih para lenggah tansah hanjenengi gantos purnaning gati.

• Tuladha atur panata cara badhe Pambagyaharja 

Pak Rawuh para pilenggah kakung putri, ingkang satuhu bagya mulya, raos bombong miwah mongkoking manah, panjenenganipun bapa..............sekalian ingkang hamengku gati mboten saged kagambaraken ing mriki, madyaning pahargyan ing kalenggahan punika badhe ngaturaken pambagyaharja wonten ngarsa panjenengan

Awit saking menika saking bombonging manah anggenya badhe matur aming kandheng wonten ing samadyaning jangga, ingkang punikaminangka sulih sarira ingkang piniji nun inggih panjenenganipun Bapa ........... wekdal kasumanggaken, sumangga nun.

(atur pambagya harja saking tetuwangga ingkang piniji )

•  Tuladha atur panata cara sasampunipun adicara  Pambagyaharja 

Terwaca  cetha kaduk ruruh hangarah prana aturipun Bapa ........ pinangka sulih sarira ingkang hamengku gati. Para lenggah kakung putri ingkang satuhu kinurmatan, sak lejengipun dugi laksitaning tata adicara atur pasrahipun saking duta saraya badhe/calon kadang besan sutresna. Wondene ingkang pinangka sulih sarira nun inggih panjenenganipun Bapa............ wekdal kasumanggaaken.

(atur pasrah lamaran saking badhe/calon kadang besan )

•  Tuladha atur panata cara sasampunipun pasrah ngancik panampi

Para lenggah kakung miwah putri, menggaah atur pasrahipun Bapa............ pinangka duta saraya ing kalenggahan punika, kanthi prastawa cetha wijang wijilih pangandikan, ingkang saklajengipun pasrah sarana badhe katampi panjenenganipun Bapa ................. minangka sulih salira Bapa ............sekalian (mengku gati ). Wekdal kasumanggaaken, sumangga nun.

(atur panampi pasrah saking hamengku gati )

• Tuladha atur panata cara sasampunipun pasrah  panampi lamaran

Kanthi cetha terwaca atur panampi saking panjenenganipun Bapa................minangka sulih saliranipun ingkang hemengku gati, ingkang sak lajengipun dipun wonteni paniti priksa sarana ingkang kapasrahaken saha kaleksanaaken paragan saking duta saraya ( ingkang pasrah ) dhumateng panampi pasrah, ujuding arta miwah jene sak lajengipun kaaturaken dhumateng ingkang mengku gati, kaleksananing sedya kasumanggaaken.

(seserahan arupi arta lan upakarti sanesipun kapasrahaken )

• Tuladha atur panata carabadhe kaleksanaaken liru kalpika

Para lenggah kakung sumawana putri ingkang sinuba ing pakurmatan, jumbuh kalian pamintanipun saking calon kadang besan, ing mriki keparengipun Bapa .............ingkang hamengku gati kaleksanaaken wontenipun liru kalpika dening para kaluwarga ingkang piniji mratitisaken.

Wondene para kaluwarga piniji nun ingih panjenenganipun Ibu........ saha Bapa ................... hanganti calon penganten putri , Calon temanten kakung ugi kakanthi panjenenganipun Ibu saha Bapa...............

Kados samudayanipun sampun samapta ing gati, dhumateng para kaluwangsa ingkang piniji wekdal kasumanggaken. Wahyaning mangsa kala tumapaking liru kalpika katindaaken calon penganten. Sumangga.

(liru kalpika / tukar cincin )

• Tuladha aturipun  panata cara salabetipun liru kalpika

 Para lenggah kakung sumawana putri ingkang sinuba ing pakurmatan, kaleksanan liru kalpika pangandikanipun para pinisepuh liru kalpika saged katindaaken sederengipun calon penganten kaijabaken utawi kapenggihaken saged winastan imbal kalpika, tali asih minangka pratanda miwah tetenger bilih sampun wonten ingkang nggadhahi.

• Tuladha aturipun  panata cara badhe tanggap wacana

Kanthi lulus raharja liru kalpika, ingkang katindaaken calon temanten  kakung saha penganten putri, inggih awit saking keparengipun Bapa .......... sekalian (ingkang hamengku gati ) mrih calon temanten mantep anggenya badhe netepi palakrama mboten nalisir saking prajanji ingkang sampun wonten paugeran ingkang antawisipun calon tementen kakung miwah temanten putri, saha tansah asah, asih, asuh, mboten kengguh ing panggoda.

Ingkang punika badhe wonten tanggap wacana saking pinisepuh ngiras pantes paring piweling dhumateng calon penganten kekalih tunuju kaseanan. Wondene ingkang kepareng tanggap wacana nun inggih Bapa ....... ( pinisepuh/kyai) wekdal kasumanggaaken )

• Tuladha aturipun  panata cara wonten ing salebetipun swasana mirunggan.

 Para lenggah kakung sumawana putri  ingkang satuhu bagya mulya laksitaning tata adicara ingkang sampun rinakit kados sampun kaleksanan kanthi pinayungan rahayu basuki tebih ing sambekala.

Namung panyuwunanipun Bapa ............. (ingkang hamengku gati ), panjenganipun para lenggah kakung sumawana putri kasuwun lelenggahan kanthi mirunggan dumugi paripurnaning gati, kula aturaken ing mriki mbok bilih pratanda paripurnaning gati ing kalenggahan punika menawi calon temanten kekalih  miwah rama ibu   (ingkang hamengku gati ) sampun kawistara jumeneng wonten sangajengipun wiwara, ingkang punika kasuwun tansah sabar sawetawis. Ewondene keparenga para kadang muda taruna ngaturaken pasugata prasaja konjuk sagung para rawuh.

(sasampunipun pasugata dedharan purna )
Para lenggah kakung sumawana putri  ingkang satuhu bagya mulya, adicara candhakipun nun inggih kendurenan, ingkang badhe dipun imami dening panjenenganipun simbah modin ............ sumangga.

• Tuladha aturipun  panata cara ndungkap paripurnaning gati

Handungkap titi mangsa kala paripurnaning sedya, karana urut reroncening tata adicara sampun kaleksanan dening para kaluwarga.  Para rawuh kakung sumawana putri  ingkang satuhu bagya mulya, saderengipun paripurnaning gati panjenenganipun  Bapa.....(ingkang hamengku gati ) ngaturaken raos syukur wonten ngarsanipun Gusti Ingkang Maha Agung, bilih sampun kaleksananing sedya kanthi pinaringan wilujeng nir ing sambekala, mboten kakilapan ngaturaken panuwun dhumateng para duta saraya sumarambah para rawuh samudayanipun. ingkang punika panjenenganipun  Bapa.....(ingkang hamengku gati )tansah hanglenggana budi dayaning manungsa kirang sampurna, hambok bilih anggenipun nampi karawuhan panjenengan sedaya wonten kiranging tangguh, gupuh miwah suguh saha anggenipun ngaturi palenggahan panjenengan sedaya kirang hanuju prana kalihan andhap inggiling kelanggahan penjenengan sedaya, kagerba kiranging boja miwah krama, mugi diagung pangaksama penjenengan.

Kula minangka pambiwara ugi hanglenggana karana kiranging seserepan hanjalari kuthunging pamanggih miwah kirang pana dhumateng wewarah wewangsoning para winasis ing reh basa tuwin sastra , ingkang menika hambok bilih wonten kalepatan kula, mugi para rawuh sedaya ngluberna pangaksama ingkang agung.
Sagung para rawuh calon temanten kekalih badhe kejengkaraken, panjenengnaipun kakanthi rama saha ibunipun tumuju wiwara ngajeng pratandha yekti purnaning gati.

Hamung semanten pahargyan lamaran ingkang sampun kaleksanan para kaluwarga, sesantining Bapa.....(ingkang hamengku gati )mugi tansah rahayu, rahayu ingkang sarwi tinemu, konduripun ndherekaken sugeng.

Wabilahi taufiq wal hidayah
Wassalmu'alaikum  Warohmatullahi Wabarokatuh

Demikian contoh naskah pranata cara acara lamaran dalam bahasa jawa, semoga bermanfaat dan terima kasih telah berkunjung di blog saya ini

Contoh Atur Pambagyaharja Adicara Pahargyan Temanten

Contoh Atur Pambagyaharja Adicara Pahargyan Temanten

Dalam acara resepsi pernikahan atau dalam acara pengajian walimatul ursy biasanya tuan rumah akan memberikan sambutan untuk menyambut kepada seluruh tamu undangan. Inti dari sambutan dari tuan rumah atau Pambagyaharja biasanya berisi antara lain :

1. Ucapan selamat datang dan terima kasih kepada tamu undangan
2. Menyampaikan isi dari acara tersebut.
3. Menyampaikan terima kasih kepada semua pihak yang telah berpartisipasi dalam acara tersebut.
4. Memohon maaf apabila ada kekurangan dalam penyelenggaraan acara tersebut.
5. Memohon do'a

Baiklah, para pembaca yang budiman, kali ini saya akan memposting tentang Sambutan tuan rumah saat acara resepsi pernikahan.

Bissmilahirrohmanirrohimi

Assalamualaikum warohmatullahi wa barokatuh

Bismillahirohmanirrohim alhamdulillahi raabil 'alamin wa sholatu wassalamu 'ala asyofil anbiya'i wal mursalin sayyidina wa maulana Muhammadin wa 'ala alihi wa shahbihi ajma'iin, amma ba'du.

Panjenenganipun para pepundhen, para pinisepuh, ajisepuh, saha sesepuh ingkang tansah anggung mestuti dhumateng pepoyaning kautamen ingkang satuhu dahat kinurmatan.
Panjeneganipun para 'alim, para ulama, para Kyai, para Ustadz lan Ustadzah ingkang kita tengga sedaya pitutur luhuripun, langkung - langkung wa bil kusus panjenenganipun Al mukharom Bapa kyai Zainul Misbach Musthofa ingkang tansah kita tengga menggah rawuh saha mauidhoh khasanahipun.
Para pangemban pengembating praja satriyaning nagari ingkang minangka pangayomaning para kawula, mliginipun panjaneganipun Bapa Pamuji minangka Kepala Desa Genengadal ingkang satuhu kinurmatan
Panjenenganipun kadang besan sutresna Bapa Agus miwah ibu  ingkang satuhu pantes hanampi pakurmatan.
Mboten kasupen dhumateng para rawuh , para pilenggah kakung sumawana putri, saha para sanak kadang wredha muda tumaruna ingkang tansah winengku ing suka rahayu.

Purwakaning atur sumangga kita tansah ngonjukaken puji syukur dhumateng gusti ingkang Maha Welas lan Maha Asih nuwun inggih Allah SWT, awit saking sih wilasa miwah barokahipun ingkang sampun kaparingaken dhumateng panjenengan lan kula, sahengga wonten ing kalodangan punika kita saged makempal manungal wonten ing dalemipun bapa Jasma lan Ibu kanthi pinaringan karaharjan, kasarasan , mboten manggih alangan satunggal menapa. Pramila saking menika sumangga kita ikraraken kanthi kalimah tahmid Alhamdulillahirobil'alamin. Shalawat lan salam mugi tansah lumintu lumintir dumateng titah linangkung ingkang dados panutan saha patuladhan kula panjenengan sami nuwun Sang Nabi Agung Muhammad SAW, mugi mugi kita sedaya pikantuk syafaatipun benjang ing yaumil kiyamah. Allahuma amin

Sagung para rawuh kakung miwah putri ingkang satuhu bagya mulya. Nyadong agunging samodra pangaksama sakderengipun dene kawula kumawantun jumeneng wonten ngarsa penjenengan lan nggempil kamardhikan anggenipun sami mawan pangandikan. Nun ingih Mundhi dhawuh saking panjeneganipun ingkang hamengku gati nun inggih Bapa Jasman miwah ibu, kawula ingkang kapitedan sinaraya minangka sulih sarira kepareng ngaturaken menapa ingkang dados wigatosing sedya menggah pahargyan dalu punika.

Ingkang angka sepisan Penjenganipun Bapa jasman miwah Ibu ngaturaken sugeng dalu, sugeng rawuh, saha sugeng lenggah kanthi mardu mardhikaning penggalih, sinartan agunging panuwun ingkang tanpa pepindhan dene panjenengan sedaya sampun kepareng rawuh mingankani menapa ingkang dados panyuwunipun Bapa Jasman Miwah Ibu. Nun inggih wonten ing dalu punika Panjenenganipun kepareng ngawontenaken Tasyakuran Walimatul Ursy anggenipun netepi dharmaing asepuh hangrakit sekar cepaka mulya, miwaha putra mahargya siwi putri kinasihipin ingkang asesilih Rara Ayu Alma ingkang kadhaupaken kaliyan Bagus Ardiayan Putra jalu saking panjenganipun Bapa Kasman miwah Ibu Siti ingkang mijil saking tlatah Desa Mulya Kecamatan Reja.

Para rawuh para pilenggah kakung putri ingkang satuhu kinurmatan, kepareng matur bilih sri atmaja tementen sarimbit sampun kelaksanan anngenipun dhaup suci utawi akad nikah kala enjing, nun inggih dinten Kamis, nyarengi surya kaping 31 Januari 2019, kirang langkungipun wanci tabuh 08.00 wekdal nuswantara imbang pracima, miturut tatananing agami lan nagari, kanthi sineksen dening para kadang, saha sanak sedherek minggahipun para sesepuh lan pinisepuh mapan wonten ing dalemipun Bapa Jasman mriki kanthi manggih rahayu wilujeng tan manggih alangan setunggal menapa. Lan ugi sampun kawisuda minangka panganten kanthi adicara panggih miturut satataning adat ingkang sampun lumampah wonten ing tlatah dusun kedung Desa Genengadal mriki.

Para rawuh para pilenggah kakung putri ingkang satuhu wicaksana. Jangkep kaping kalih, Panjenenganipun Bapa Jasman miwah Ibu lan gotrah kaluwarga ngaturaken agunging panuwun ingkang tanpa upami tumprap sedaya sumbangsih lan kadarman ingkang awujud menapa kemawon, langkung -langkung dhumateng para warga lingkungan mriki bapak ibu ugi kadang muda- mudi ingkang sampun paring pambiyantu, ingkang sedaya kalawau tundhonipun saged adamel rancag, lancar, lan gayeng pahargyan menika, ugi saged ngentheng-ngenthengi sesanggemaipun ingkang hamengku gati. Ananging Panjenenganipun Bapa jasman mboten kuwawi matur menapa-menapa, ugi mboten saged ngaturi menapa-menapa, namung puji donga wonten ngarsanipun Allah SWT, mugi - mugi sedaya amal kasaenan panjenegan sedaya dados amal ibadah, lan pikantuk leliru saha piwales saking Allah SWT. Allahuma amin.

Dene sak lajengipun dumateng para rawuh sedaya, lugunipun sampun sawetawis dangu anggenipun Bapa Jasman ngrantam, ngronce, miwah ngantha- nggantha pahargyan menika, ananging dhawahipun tkasih sarwi kirang pantes, saking menika panjenenganipun bapa Jasman sakeluwarga  namung saged nyuwun agunging samodra pangaksama. nanging sanget panyuwunipun Bapa Jasman, katur sagung para rawuh keparenga pareng paring berkah pamuji, mugi-mugi temanten sarimbit anggenipun sumedya lelumban wonten ing madyaning babrayan agung saged jumbuh ingkang sami ginayuh, sembada ingkang samya sinedya, tansah atut runtut rerentengan kados mimi lan mintuno ,
sayuk rukun, samad sinamadan, wiwit kawitan dumugining delahan tansah menggih bagya mulya, tansah pinayungan sih barukahing gusti Allah sahingga dados kaluwarga ingkang samawa, sakinah mawadah wa rohmah, tundhonipun mugi pikantuk turun ingkang sholeh lan sholekhah ingkang mituhu dhumateng tiyang sepuh kekalihipun saha para sesepuhipun . Allahuma Amin.

Para rawuh saha para pilenggah kakung sumawana putri ingkan pantes sinudarsana, ingkang kaping tiga Panjenengenipun Bapa Jasman miwah ibu lumantar kawula tansah hanglenggan budi dayaning manungsa kirang sampurna. Pramila mbok bilih anggenipun nampi karawuhan penjenengan  sedaya kirang tanggap, tangguh lan gupuh, kathah kekiranganipun, mboten saged ngatutraken papan palenggahan ingkang sae, saha mboten saged ngaturaken suguhan arupi dedhaharan lan unjukan ingkang sak kelangkung eca mugi panjenengan sedaya kersa nglunturaken samodra pangaksami. Mboten kekilapan saking kadang muda taruna anggenipun leladi wonten ngarsa penjenengan sedaya wonten kiranging suba sita, lumantar kawula tansah nyuwun pangaksama dumateng panjenengan sami.

Minangka wasananing atur, dumateng para rawuh sedaya, mawantu-wantu panyuwunanipun bapa Jasman miwah kaluwarga, keparenga ndumugeaken anggenipun sami lelenggahan  ngantos dumugi titiwanci purnaning pahargyan dalu punika.

Mekaten atur kawula minangka sulih sarira saking hamengku gati Bapa Jasman, hambok bilih kathah ingkang lepat atur kawula, kanthi andahp asoring manah kawula nyadhong agunging samodra pangaksami.

Akhirul kalam  wa bilahittaufiq wal hidayah wassalamu'alaikum waroh matullahi wa barokatuh.

mc bahasa jawa peringatan hari kemerdekaan

NASKAH MC BAHASA JAWA PENGAJIAN PERINGATAN KEMERDEKAAN

Assalamu'alaikum warohmatullahi wabarokatuh

Alhamdulillah wa syukurillah wa sallamu 'ala rasulillah sayyidina mawaulana Muhammadin wa'ala alihi wa shahbihi wa mawwalah, amma ba'dah. Baca Juga : Contoh- Contoh Mukadimah Pidato

• Konjuk wonten ngarsanipun  para pinisepuh, sesepuh saha ajisepuh ingkang satuhu kinabekten rahimakumullah,
• Wonteng ngarsanipun para alim, ulama, Kyai, ustad saha ustadzah ingkang rinten dalu tansah sumanding kitab suci wahyuning illahi, langkung - langkung wabil khusus panjenganipun Al muharam Kyai..............( bapak kyai yang akan mengisi tausyiah ) ingkang tansah kita tengga rawuh saha piturur luhuripun.
• Para pengamban, pangembating praja, mliginipun bapak kepala desa .................miwah sedaya perangkatipun ingkang tansah kawula bekteni
• Para rawuh, bapak, ibu, saha kadang muda dalah kaum muslimin wal muslimat ingkang tansah bagya mulya rahimakumullah

Minangka purwakaning atur, sumangga kula dherekaken ngonjukaken raos tasyakur kita, kanthi ikrar bi lisan Alahamdulillahirobil'alamin, wonten ngarsanipun Allah SWT, awit saking sedaya nikmat lan nugrahanipun panjenengan sedaya miwah kula saged makempal manunggal wonten ing mriki,
Sak lajengipun shalawat lan salam mugi konjuk dumateng junjungan kita Nabi Agung Muhammad SAW, mugi  - mugi panjenengan lan kula saged pikantuk syafaatipun benjang ing yaumil kiyamat. Amin amin ya robbal 'alamin

Bapak, ibu, para pilenggah rahimakumullah, keparenga matur, nun inggih kula ingkang minangka Pranata Cara Pengaosan Pengetan  Dinten Kamardikan RI ingkang kaping 73 keparengo ngaturaken urut-urutaning adicara wonten ing dalu punika.

adicara ingkang angka setunggal nun inggih Pambuka
angka  kalihipun waosan kallamullah ingkang sampun sinerat wonteng ing Pustaka Suci Alqur'an,  dening panjenganipun al ustad/sedherek  .................
 Adicara ingkang angka 3 rhotib tahlil ingkang badhe dipun imami panjenenganipun Simbah Kyai ..................
Adicara ingkang angka 4 nun inggih sambutan sambutan
sambutan ingkang angak 1 saking Ketua Panitia
sambutan ingkang angka 2 saking Bapak Kepala Desa
Sambutan ingkang 3 saking sesepuh/tokoh masyarakat
Adicara angka gangsal istirihah
Ewondene menggah adicara ingkang angka 6 nun inggih adicara inti  pengaosan, inggih   punika  wedaring  tausyiah saking panjenenganipu Al muharam, Al ustad Bapak Kyai..............................( nama Kyiai Pengisi Acara )
Dene adicara pungkasan nuwun inggih Panutup.

Hadhirin ingkang kawulo hormati, mekaten menggah adicara ingkang badhe kalampah wonteng ing dalu pinika.
Para rawuh saha para pilenggah sedaya sumangga kita milai adicara pengaosan pengetan Dinten Kamardhikan RI ingkang kaping 73 dalu punika kanthi waosan ummul kitab suratul Fatekhah sesarengan, minangka Pambukaning adicara dalu punika,
Ala hadiniyah wa syafaati Rasulillah ,Al Fathekhah
matur suwun.mugi-mugi kanthi waosan ummul kitab punika adicara dalu punika saged kalaksanan kanthi lancar mboten wonten alangan setunggal punopo. Amiin
Ndungkap Adicara ingkang angka kalih nun inggih waosan ayat suci ALqur'an ingkang badhe kasarirani deneng sederek / al ustad............................dhumateng penjenganipun wekdal kasumanggaken

*setelah pembacaan Ayat suci selesai*

Matur Nuwun katur dhumateng panjenenganipun.

Adicara ingkang angka 3 nun  inggih waosan rhatib tahlil ingkang badhe dipun imami panjenenganipun Simbah Kyai ......................... dhumateng Panjenenganipun wekdal dalah sasana pangandikan  kawula aturaken. Baca Juga : Sambutan saat kirim do'a

*setelah rhatib tahlil selesai *

matur nuwun dhumateng panjeneganipun simbah Kyai ,,,,,,,,,,,,,,minangka imam thalih dalu punika.

Kaum muslimin  muslimat rahimakumullah, sumangga kita lajengaken adicara candakipun nun inggih sanbutan sambutan.

sambutan ingkang angka spisan nun inggih saking Ketua Panita, parmila dhumateng sedherek ...............wekdal kawula sumangga aken. Baca : Sambutan Ketua Panitia Acara Peringatan HUT Kemerdekaan

*setelah  sambutan selesai *

Matur suwun katur dhumateng sedherek ................
sambutan sak lajengipun nun inggih saking Bapak Kepala Desa ..............., Konjuk dumateng ingkang kawulo Hormati Bapak .................... wekdal dalah sasana pangandikan kawula haturaken

*setelah sambutan selesai *

Matur sembah nuwun  katur dhumateng Bapak Kepala Desa ................
sambutan sak lajengipun nun inggih saking Tokoh Masyarakat ..............., Konjuk dumateng ingkang kawulo Hormati Bapak .................... wekdal dalah sasana pangandikan kawula sumanggaaken

*setelah sambutan selesai *

 Matur Nuwun katur dhumateng panjeneganipun Bapak .....................

Hadhirin wal hadhirat rahimakumullah, adi cara sambutan sambutan sampun paripurna, ndungkap adicara sak lajengipun nun inggih istirohah. wonten ing adicara istirohah punika badhe dipun isi kalian tarian  islami saking RA. Al Fidaus Asuhan ustadzah.............sak sampunipun tarian kalajengaken penyerahan hadiah lomba inkang badhe dipun asto kalian sederek .................

*setelah pengisi acara istrihat selesai *

Para rawuh para pilenggah kaum muslimin lan muslimat rahimakumullah adicara istirohat sampun paripurna, matur suwun dumateng sedaya ingkang sampun ndherek ngregengaken adicara dalu punika. Sumangga kita lajengaken adicara dalu punika, adicara candhakipun adicara ingkang kita tengga nun inggih inti pengaosan nun inggih werdharing wursita aji utawi tausyiah saking al muharom AL Ustadz Bapa Kyai................................

Dhumateng inngkang kulo hormati Bapa Kyai ..................Wasana dalah sasana Pangandikan Kawula haturaken. Sumangga.

( membaca Shalawat )

*setelah tausyiah  selesai *

Ngaturaken agunging Panuwun ingkang tanpa pepindhan dhumateng panjeneganipun Bapak Kyai ..................ingkang sampun kepareng paring wedharing pangandikan utawi tausyiah wonten  dalu punika. Mugi - mugi sageda dados tambahan ilmu, tumrap kula  sumrambah sedaya ingkang sampun rawuh .

Hadhirin  wal hadhirat rahimakumullah purwa madya adicara dalu punika sampun kalaksanan kanthi mboten wonten alangan punopo, pramilla sumangga kulo dherekaken maos lafal "Hamdalah sesarengan minangka Panutupping adicara dalu punika, 

ALhamdulillahirabil  alamin. 

Makaten sampun paripurna adicara dalu punika, saking kawula pribadi mbok bilih wonten klenta-klentuning atur saha tindak tanduk ingkang kirang nengsemaken , kathi andhap asoring manah kawula nyadhong agunging pangaksama.

Wusana ngaturaken sugeng kondur mugi tansah rahayu ingkang sami pinaggih

Akhirul kalam wabilahitaufiq wal hidayah

Wasalamu'alaikum warohmatullahi wabarokatuh.

Demikian naskah mc pengajian dalam rangka peringatan HUT kemerdekaan,  Semoga bermanfaat dan terima kasih telah berkunjung di cinta-budayajawa.blogspot.com.
Jangan lupa Baca juga Naskah Pranata Cara Acara Pengajian Khitanan

pasrah temanten kakung

contoh teks pasrah temanten kakung

Pasrah temanten Kakung

Dalam acara resepsi pernikahan adat jawa terdapat barbagai rangakaian susunan acaranya. Diantaranya sebelum kedua mempelai bertemu dan melaksanakan acara yag dinamakan “Adicara Panggih”, terdapat acara yang dinamakan pasrah lan panampi atau "lung tinampen” atau dalam bahasa Indonesia bisa di artikan serah terima. Pada intinya pasrah lan panampi pengantin sama dengan pasrah lan panampi lamaran  hanya berbeda inti dari maksud yang disampaikan.

Dalam acara pasrah lan panampi pengantin pihak keluarga penganten pria menyerahkan pengantin untuk dapat dilaksanakan acara “Panggih “, sedangkan dalam acara pasrah dan panampi lamaran pihak mempelai pria menyerahkan upakarti untuk dilaksanakan liru kalpika atau tukar cincin yang dilakukan oleh seorang juru bicara atau sering disebut sebagai  duta saraya, sulih sarira atau talanging basa, sesuai acara yang di pandu dalam pranata adi cara acara lamaran 

Dalam kesempatan ini kami sampaikan bagaimana menjadi seorang duta saraya saat menyerahkan pengantin Pria atau dalam acara ini dinamakan PasrahTemanten Kakung

Sebagai permulaan kita akan membacakan mukadimah dibawah ini adalah contohnya.

Assalamualaikum Wr.Wb

Innalhamdalillaah, nahmaduhu wanasta’inuhu wanastaghfirruhu, wana’uudzubillahi min syuruuri anfusina wa min sayyiati a’maalina, may yahdihillahu fala mudzillalah wa may yudlill fala haadiyalah, asyhadu an-laailaaha illallaah wahdahu laa syariikalahu wa asyhadu anna muhammadan ‘abduhu warasuuluhu. Amma ba’d.

Setelah mukadimah kita akan sampaikan penghormatan kepada seluruh hadirin dan tamu undangan dan juga tuan rumah

·         Panjenenganipun para pepundhen, para pinisepuh, saha para sesepuh ingkang tansah anggung mestuti dhumateng pepoyaning kautamen..

·         Panjenenganipun para ‘Alim, para 'Ulama, para Kyai, lan para Ustadz Ustadzah ingkang rinten dalu tansah sumandhing pustaka suci minangka panuntun keblating panembah, ingkang tansah kaantu-antu sabda miwah pitutur luhuripun.

·         Panjenenganipun para pangreh pangemban pangembating praja, minangka pandam pandom pengayomaning para kawula dasih ingkang satuhu pantes sinudarsana.

·         panjenenganipun kadang besan sutresno ..................miwah gotrah kaluwargo,  ingkang satuhu pantes sinuba sagunging pakurmatan.

·         Panjenenganipun para rawuh, para pilenggah, kakung sumawana putri, saha para sanak kadang wredha mudha lan tumaruna, ingkang tansah winantu ing suka rahayu.

Setelah penghormatan kita mengucapkan syukur kepada Allah, sebagai ungkapan terima kasih kita kepada pencipta alam semesta,  dan juga shalawat kepada Junjungan kita nabi Agung Muhammad SAW.

Langkung rumiyin puja-puji syukur mugi konjuk dhumateng ngarsaning Gusti Ingkang Maha Agung, nuwun inggih Allah SWT, karana sih wilasa miwah barokahipun ingkang sampun kaparingaken dhumateng panjenengan sedaya lan kula sahengga wonten ing menika wekdal kula panjenengan saged hangempal wonten menika papan kanthi pinaringan karaharjan, mboten manggih alangan setunggal menapa. Pramila saking menika kula ikroraken kanthi maos kalimah tahmid 'alhamdulillahirobbil'alamin.'

Shalawat lan salam mugi tansah lumintu lumintir dhumateng titah linangkung ingkang dados panutan patuladhan kula panjenengan inggih Sang Nabi Agung Muhammad SAW ingkang kula panjenengan antu-antu syafangatipun wonten yaumil qiyamah.

Layaknya orang berjalan kita mengucapkan permisi, saat berbicara didepan umum kita juga seperti itu saat akan mengutarakan niat kita dihadapan umum. Uraiakan secara berurutan saat kita menyampaikan pesan dan maksud dari keluarga mempelai pria seperti saat kita bertamu ke rumah orang, seperti salam di awal, kemudian isi yang mau disampaikan kemudian diakhiri dengan ucapan pamit diakhir .

Nun kawulo nwun, ing mriki kawulo ingkang kapitedhan sinaroyo miningko sulih sariro talanging basa panjenenganipun bapak Bambang S. kepareng ngaturaken punapa ingkang dados wigatosing sedya luhur saking  panjenenganipun.

Bp…(ingkang nampi) ingkang sepindah,wondene wigatosing sedyo luhur sowan kulo wonten ngarso panjenengan ingkang angka sepisan ngaturaken sewu pangapunten mbok bilih ingkang hamengku gati bapa  Bambang Sutrisno boten saged masrahaken putranipun calon temanten kakung kapekso namung saged ngaturaken salam taklim mugi katuro dumateng panjenengan sedoyo, ingkang lumantar kawula kanthi ikrar bi lisan Assalamualaikum Wr.Wb. Mugi  anggenipun netepi dharmaning asepuh hangrakit sekar cempoko mulyo, hamiwoho suto mahargya siwi tetepo winengku ing suko basuki.

Jangkep kaping kalih, rehing putra calon temanten kakung nuwun inggih panjenenganipun Bagus…..(nama temanten kakung), atmaja jalu panjenenganipun Bp/ibu….ingkang pidalem ing….sampun kelampahan ijab/daup kaliyan Rr….(nama temanten putri), putri  panjenenganipun Bp/ibu…(orang tua dari temanten putri), kala wau dinten…Surya kaping….( tanggal, bulan dan tahun proses ijab qobul), wanci tabuh ….wekdal nuswantoro imbang pracima ( WIB )  mapan ing dalem….mriki, kanthi nirbaya nir wikara boten wonten alangan satunggal punapa.     

Mbok bilih sampun titiwanci tumapaking gati, pramila calon temanten kakung kula pasrahaken, mugi saged katindakaken dhaup panggihipun temanten sarimbit , anut satataning adat widhi widana ingkang sampun lumampah wonten ing padukuhan….(nama desa prosesi acara tersebut)…kula sak pengombyong tansah jumurung pamuji ing karso, sinatran puji donga mugi gusti tansah ngijabahi dumateng temanten sarimbit, anggenipun amangun brayat enggal, tansah manggih guyup rukun, atut runtut rerentengan lir kadya mimi lan mimtuno , ayem tentrem, rahayu ingkang tinuju, bagya mulya ingkang sinedyo.

KAPING TIGA Panjenengaipun Bp ( bapak  Manten kakung ) atur uba rampe upakarti  sarana jejangkeping salaki rabi, kawula aturaken wonten ngarsanipun kadang besan sutresno Bapa Y sekalihan garwa. pratandha yekti kasoking katresnan dhumateng Bapa Y sekalihan, mugi dadosa sarana raketing kekadangan, anggenipun sami-sami netepi darmaning sepuh anggennya ngentas pitulus putra pinaringan raharja mulya.

Dene ingkang wekasan, sesampunipun paripurnaning pahargyan prasaja siang punika, kula dalah  pengombyong temanten kakung, kaparengo nyuwun pamit saha nyuwun pangestu, mugi-mugi lampah kondur kawula sarombongan tansah manggih wilujeng kalis ing rubedo nir ing sambikolo milai dusun  .......... Desa .......... Kec. ............. dumugi dalemipun soang -soang.

Jangan lupa untuk sopan santun kita sebagai seorang pribadi juga sebagai  duta atau wakil keluarga mempelai pria

BACA JUGA : teks pasrah dan panampi pengantin
BACA JUGA : prosesi lamaran adat jawa
BACA JUGA : atur pambagyahargja pahargyan temanten

Semanten ugi mbok bilih kawula anggenipun minangka talanging basa wonten kekirangan dalasan kaladuk anggen kawula matur, kirang subasita ingkang singlar ing reh tata krami, kawula tansah nyuwun lunturing sih samodra pangaksami.

Akhirul kalam, wabilahi taufik wal hidayah
Wassalamuaalaikum wr.wb.

Ini adalah salah satu video saya saat menyampaikan sesorah pasrah temanten kakung, silahkan ditonton untuk dijadikan referensi .

Demikianlah tulisan saya tentang bagaimana menjadi seorang duta saraya ( wakil keluarga mempelai pria ) menggunakan bahasa jawa. Setelah itu akan dilanjutkan dengan atur panampi temanten kakung  dari pihak keluarga perempuan. Terima kasih, mudah-mudahan bermanfaat.