Cerita lucu Penumpang dalam Pesawat

Cerita lucu Penumpang dalam Pesawat

Paino Numpak Montor Mabur

Pesawat Lion Air tujuan jakarta – Surakarta ( Bandara Sukartno Hatta – Adi Sumarmo ), sing wis siap arep take off diundur. Gara-gara Paino penumpang saka Boyolali sing lagi pisanan iki numpak montor mabur nganggo tiket ekonomi, ning ngotot arep lungguh ning kursi bisnis.

Sastro (sing nduweni tiket bisnis)	:	“nuwun sewu njih pak, niki kursi kula.”
Paino	:	“lho, lha kowe ki sapa.?”
Sastro	:	“Kula nggih penumpang sing tumbas tiket bisnis, kula ingkang kedahe lenggah mriki.”
Paino	:	“oalah, penumpang,? Aku ya penumpang, padha-padha bayar..!padha-padha penumpang  ora usah ndadak ngatur ya.”
Si Satro ora trima njur lapor pramugari
Pramugari	:	“Nuwun Sewu pak Paino, njenengan kedahe lenggah teng wingkeng mrika, tikete njenengan ekonomi.”
Paino	;	“ Kowe sapa?
Parmugari	:	“ kula pramugari, pak .”
Paino	:	“ Lha Pramugari ki apa?”
Pramugari	:	“Kula niki pramugari, tugase kula nglayani kebetahane penumpang.”
Paino	:	“ oohh. Rewang, babu.! Tak kira sapa, wis ora usah ngurusi wong liya, ngurusana gaweanmu dhewe, kana isah-isah ning mburi. Pokoke aku teka kene dhisik aku seneng lungguh kene ya neng kene wae.Kowe arep apa?”
Pramugari kentekan akal , pilot.sing krungu ana rame-rame njur nyedhak....
Pilot	:	“ Bapak Paino, nuwun sewu njih pak kursi njenengan ingkang wingkeng niko lho pak.”
Paino	:	“Sapa meneh iki?”
Pilot	:	“ Kula Pilot , pak Paino.”
Paino	:	“ pilot ki apa?”
Pilot	:	“kula ingkang nglampahaken pesawat menika pak, kula ingkang nyetir peswawat.”
Paino	:	“ Oohh. Sopir..? tak kira pegawai DLLAJ, nganggo topi, eeh , malah jebul mubg sopir.Pokoke aku ora gelem ngaleh. Sampeyan arep apa?....’
baca juga : Paino dan Dokter Gigi Bambang, penumpang sing wit mau meneng wae ning mburine Paino, ora sabar njur maju nyedhaki Paino karo mbisikki. Ora genah apa sing di omongake ning kupinge paino. Paino ngadek karo grundelan.
Paino	:	“ ohh hooh sopi kocluk, babu pekok, ora gelem ngomog wit mau. Tujune ana mas Bambang sing ngomongi, nek ora ya ra sido tekan Boyolali aku,”
Paino saiki wis lungguh ning mburi, ning kursi ekonomi. Pak pilot gumun kok iso manutmen, di omongi apa ya karo mas Bambang mau.
Pilot	:	“mas Bambang, jane sampeyan matur napa ? kok si Paino purun lenggah teng wingking .”
Bambang	:	“ Kula matur nek kursi ngajeng niki kangge penumpang sing mandhap teng Kendhal, lha sing mandhap Solo lenggahe teng wingking.”
Pilot	:	(Mbatin ) “ oalahh wong ora genep, mbok kiro iki angkutan kota po piye,”
Paino	:	Karo ngadeg.” Ayooo...mangkat-mangkat, Solo.....Boyolali.......Semarang ...Kendal.....
Sing liyane mung meneng ra ngagas unine Paino.

Cerita lucu Simbah Paino lan Dokter Gigi

 Cerita lucu Simbah Paino lan Dokter Gigi

Simbah paino sing untune wis entek pengen iso mangan normal, banjur lungo ning Dokter Gigi.

Simbah	:	Dok, untuku ki piye ya ben bisa mangan kepenak, untuku kudu di kapakno ya?
Dokter Gigi	:	Mbah, untune jenengan niku sampun telas alias ompong, kula pasangi untu enggal mawon nggih? Kersa napa mboten mbah??
Simbah	:	Yowis rapopo, lha regane piro? Trus untune sopo sing arep mbok pasangke kuwi Dok, ?
Dokter Gigi	:	Mirah mbah naming tigang yuto mawon. Niki mboten untune sinten-sinten wong niki namung untu palsu kok.
Simbah	:	Ooooo... untu palsu to. Yo wis pasangen wae, untu palsu ora opo opo.
Dokter Gigi	:	Simbah sarean teng kasur mriki njih mbah, (banjur dokter masang untu palsu kanggo simbah)
Dokter wis rampung masang untu palsu dinggo simbah. Simbah ngekeki duit nang doktere. Pas telung juta ( 3.000.000 )
Simbah	:	Matur nuwun pak dokter, untuke wis pepak saiki. Iki Dok duite, tak bayar pas telung yuto ya.
Dokter Gigi	:	Nggih mbah matur suwun nggih. Ampun kesupen untune disikat njih kaping tiga sedinten.
Simbah mung meneng wae banjur mlaku karep mulih. Lagi wae mlaku tekan latar klinik gigi trus diundang meneh karo pak dokter.
Dokter Gigi	:	Mbah niki duite njenengan palsu! nJenengan badhe ngapusi kula njih?
Simbah	:	Lho... Lha kok ngapusi ki piye?
Dokter Gigi	:	Lha niki duite jenengan palsu,  niku jenenge  ngapusi mbah..
Simbah	:	Lho... pak dokter kan masang untu palsu nang cangkemku to, yo aku bayare nggo duit palsu. Rak yo ga salah to..Wong padha- padha palsune.
Dokter Gigi	:	???????????????????