Kisah Pengabdian Bambang Ekalaya Terhadap Guru Durna

 Kisah Pengabdian Bambang Ekalaya Terhadap Guru Durna

Kisah ini menceritakan seorang pemuda bernama Bambang Ekalaya , yang mahir bermain senjata panah, dia sangat ingin menjadi murid dari Guru Durna.  Tetapi karena berasal dari kasta yang rendah maka tidak mungkin ia diterima sebagai murid Durna. Suatu saat kepandaianya diketahui Durna, karena durna tidak ingin menerima Bambang Ekalaya menjadi muridnya maka Durna meminta Ekalaya untuk memotong ibu jari tangan kanannya, karena sangat cintanya Ekalaya terhadap Durna, dia sanggup melakukannya.

Inilah Cerita nya

Bumi gonjang ganjing langit kelap-kelap katon...

Lir kincang risang maweh gandrung...


Ooooo...

**


Durna: Oo...Loleee.. Loleee...

Ekalaya...


Ekalaya: Wonten dawuh Penemban...

Prasasat kejugrugan wukir sari, kleleban segara madu manah Kula, dene Bapa Penemban sampun kersa rawuh dateng pesanggrahan kula..

Lan kula nyuwun pangapunten, jumbuh kalian atur kula ingkang sekawit, gandeng kula mboten dipun tampi dados siswa ing Sokalima, lajeng kula damel pepetan reca ingkang mirip dateng paduka, Penemban...


Durna: Oo yaa yaa...

Dasare pancen wis tak wenehi palilah...

Ora papa, ora papa..

Nanging kowe bakal tak takoni, kepiyee apa wis ana imbuhing kasantosan, apa mung ajeg kaya ngono wae...

Yen ta ana imbuhing kasantosan lan kaprigelan, tegese nggonmu tansah manembah marang begawan Durna, najana mung wujud reca mau, ana hasile...

Nanging yen mung ajeg wae, ora usah ndadak mok terusake...


Ekalaya: inggih Penemban...

Mbok menika adiling keng kuwasa...

Nyatanipun, krana madhep manteping raos kula, nadyan namung lumantar pepetan reca, nanging kabisan kula tuwuh mathikel-thikel, Penemban...

Malah sajak'ipun kula menika nggumun kalian kabisan kula menika, Penemban...

Mula, kula mboten kendhat anggenipun manembah marang Begawan Durna, nadyan sejatosipun ingkang kula sembah menika wujudipun reca, nanging batos kula namung dateng paduka, Penemban...


Durna: hu'um hu'um, aku krasa..

Ning nggonmu tresna marang Durna kui lair batin..??

Nggonmu suwita, nggonmu nganggep Begawan Durna kui gurumu, apa lair batin..??


Ekalaya: inggih Penemban, lair dumugining batos...

Kula sampun matur sekawit, bilih kula kedah nglintoni napa kemawon, kula sagah...

Kula sagah ngaturaken..


Durna: kui tenan, Ekalaya..??


Ekalaya: inggih, saestu Penemban..


Durna: nek pancen tenan, mula mara gage, aku duwe penjaluk, supaya kowe bisa dadi siswaku...


Ekalaya: aduh, Penemban...

Napa pangandika penjenengan menika saestu..??


Durna: lho..??

Apa ana aku iki jejering Pandhita kog dora.ingkang tak ucapake ora mung kendat ing pangucap, nanging uga kababar ing pakarti...


Ekalaya: menawi bilih kula sagah ngaturaken punapa ingkang paduka suwun dateng Kula, punapa kula bade dipun tampi minangka siswa paduka, Penemban..??


Durna: Ooh, bumi langit paseksene, Ekalaya..

Bumi langit paseksene...

Ekalaya: Matur sembah nuwun, Penemban...

Matur sembah nuwun..

Bapa Penemban sampun ngendika kados menika sabda panditaraja ingkang datan bisa wola-wali, ateges, ingkang putra pun Ekalaya saget dados putra siswanipun Begawan Durna...


Durna: hu'um hu'um..

Ning Aku tak jaluk karo kowe, Ekalaya...

Aku tak jaluk bukti yen to kowe kuwi tulus lair batin lan ora bakal selak..


Ekalaya: inggih, menika saestu...


Durna: Yen mangkono, yen ta kowe bakal bekti marang gurumu, Begawan Durna, yakwi aku, mula, coba, aku jaluk minangka bukti, kethok'en jempol tanganmu kui sing tengen, kethok'en Ekalaya...


*

Ooooo....

*

Ekalaya: inggih...


Durna: kepiyee Ngger..??

Penjaluk'e Begawan Durna mung kui...

Mung tatu sethithik...

Kowe kelangan jempol tanganmu sing tengen...

Kang mangkono bakal dadi tandha, kowe dadi siswa Sokalima..

Lan ora bakal ana ingkang bisa ngoglak-oglak apa sing wis tak tento'ake...


Ekalaya: inggih Penemban....


Durna: Tidha-tidha rasamu..??


Ekalaya: mboten Penemban, mboten..

Saking agenge rasa tresna kula dateng Bapa Penemban, tuwin raos kula Ingkang tansah njunjung dateng paduka Penemban, ingkang sak menika dados guru kula, sesembahan kula, bilih sampun kula aturaken ing ngajeng, kula mboten bade selak..

Bilih kula dipun suwun supados angethok jejempolan tangan kula ingkang tengen, Penemban, kula aturi maos-maosaken, bilih menika, semanten agengipun raos tresna kula dateng paduka, anggenipun ngajeni dateng paduka,prasasat saget nglangkungi dateng sinten kemawon, nadyan Kula kedah kecalan jempol tangan kula ingkang sisih tengen, nanging kula iklas, iklas tulusing lair batos kula, minangka tetombok anggen kula dados siswa ing Sokalima..!!!!

Aahh...!!!


*

Ludira muncar, saking jejempol ingkang dipun pagas dening Sang Ekalaya...

Nalika semanten, nadyan tatu namung alit, parandene mangke ndadosaken pejahing sang Ekalaya..

Kwanda nglumpruk kaya kapuk...

Deres rah ingkang mijil saking jejempol ingkang tinigas dening Sang Ekalaya...

Nadyan sumedot ing cipta, kembeng-kembeng ponang waspa...

Kocap, angrambyang sukma sukma sang Ekalaya, manabda saking ngantariksa...


Ooooo...

*

Ekalaya: Penemban, Kula mboten bade getun..

Krana bekti kula dateng paduka Penemban Durna, ingkang sampun kula anggap guru kula, saingga bekti kula menika bade kula wujudaken kanthi anengga ing sak ngajenging lawang suwarga, kula mboten bade manjing telenging suwarga, menawi mboten kalian guru Ingkang kula tresnani, Penemban....

Dari cerita di atas kita bisa mengambil hikmahnya betapa murid yang sangat patuh terhadap sang guru.