Sinau Ikhlas karo kang Samin

Sinau Ikhlas karo kang Samin

Sak umpama manungso ning donya iki bisa ikhlas koyo kang Samin, Ndah opo tentreme donya iki

Dialog Kang Samin karo kancane sing jeneng Parjo

Parjo : Kang, sampeyan ngenehi duit wong ngemis mau yo ?
Samin : Iyo.
Parjo : Sampeyan diapusi, wong sing ngemis kae mau asline sugih, sapine akeh...
Samin : Ngapusi iku dudu urusanku. Kuwi urusane dekne karo Gusti Allah

Parjo : Lho sendalmu endi kang? Kok cekeran?
Samin : Ilang.
Parjo : Ora mbok golek'i ... sopo sing nyolong?
Samin : Ora, aku biyen lahir yo ora sandalan.

Parjo : Kang, sampeyan dirasani karo Joyo.
Samin : Ben wae.
Parjo : Sampeyan ora nesu
Samin : Lha saiki kowe yo ngrasani Joyo. Joyone yo ra nesu.

Parjo : Kang, pitikmu dipangan asune Joyo.
Samin : Wes ben.
Parjo : Kok sampeyan biasa wae? Ora njaluk ganti?
Samin : Aku malah kaget ngko nek pitikku sing mangan asune si Joyo.

Parjo : Kang, wes mangan?
Samin : Durung.
Parjo : Mreneo tak wenehi duit.
Samin : Wegah. Aku ra doyan. Panganen dewe yen kowe doyan duit.

Parjo : Kang, tanduranmu rusak dipangan weduse Joyo.
Samin : Ben wae. Untung doyane tanduran. Yen weduse doyan papan, malah omahku sing dipangan.

Parjo : Kang, klambi sing tok pepe dicolong uwong.
Samin : Ben. Wong yo salahku dewe, aku mepe klambi tak pamer2ke ning njobo.

Parjo : Kang, bayarane Joyo luweh gede timbang bayaranmu lho.
Samin : Ben.
Parjo : Kan ora adil.
Samin : Adil iku ora kudu podo. Kowe tak pakani katul podo karo pitik yo emoh to?

Parjo : Kang, pelem-mu dicolong Joyo.
Samin : Ben.
Parjo : Kok ben?
Samin : Lha kowe kok sirik to ? Biasane yen dicolong codot aku yo meneng wae kok....

Parjo : Kang, kok mung mlaku ? Lha jaran sing biasa tok tumpaki nang endi?
Samin : Ilang,,, alhamdulillah
Parjo : Kok malah alhamdulillah karo ngguya-ngguyu ki piye to ?
Samin : Lha untunge pas dicolong, aku ora pas numpak jaran, Nek pas tak tumpaki aku ra` yo katut ilang to ?.....

#Pesen saka cerita iki : yen  awakmu sanggup koyo Samin, pikiranmu ra bakal kakean mikir negatif neng wong liyo . Dadi ora perlu suudzon marang liyan.

baca cerita yang lain ya:
romansa iwak asin karo sego liwet
naskah drama kebudayaan 6 orang
cerita asal mula api mrapen abadi
kisah jaka tingkir 2
kisah jaka tingkir 1