Para pembaca yang budiman, kali ini admin memberikan satu contoh pidato singkat dengan tema perisahan SMP dalam bahasa jawa.
Contoh 1:
Assalamu’alaikum Wr. Wb.
Bagi yang mampu bisa ditambahkan mukadimah, baca selengkapnya di contoh - contoh mukadimah pidato
Sugeng enjang ingkang rawuh sedaya.
Bapak sekolah ingkang kinurmatan, bapak/ibu ingkang kula kurmati, rencang saha adhik-adhik ingkang kula tresnani.
Puji syukur dhumateng Gusti ingkang Maha Agung, ingkang kanthi berkah lan rahmatipun kula dalasan panjenengan sami saged makempal wonten ing papan punika kangge ngawontenaken pepisahan.
Bapak / Ibu guru ingkang satuhu kinurmatan, boten kesupen kula minangkani wakilipun murid kelas 9 ngaturaken agunging panuwun awit saking sih katresnan Bapak / Ibu guru nggulawenthah lan mulang wuruk dhumtang kula sarencang, saengga kula sarencang saged ngrampungaken sekolah sadangunipun kirang langkung 3 taun.
Bapak /Ibu guru tuwin adhik-adhik ingkang satuhu kula hormati, sekedhap malih kula sarencang nilaraken pawiyatan punika. Awrat anggen kula matur kados pundi raosipun nilar Bapak/Ibu guru saha dhik-adhik. Namung kawontenan kedah mekaten, pramila kepeksa kula sarencang nilaraken Bapak/Ibu guru saha adhik-adhik kelas sedaya.
Mekaten atur kula, inggih punika sepindhah ngateuraken panuwun mugi-mugi sedaya panggula wenthah panjenengan dhateng kula sarencang tansah pikantuk piwales saking Gusti ingkang Maha Mirah ingkang samurwatipun. Ingkang kaping kalih nyuwun pamit badhe nilaraken pawiyatan.
Kula sarencang kelas 9 tansah nyenyuwun lan dedongah mugi adhik-adhik sageda kasil anggenipun ngangsu kawruh wonten pawiyatan punika.
Boten kasupen ugi kula sarencang tansah memuji dhumateng Gusti ingkang Murbeng Dumadi, supados Bapak/Ibu guru saha adhik-adhik pikantuk rahmating Pangeran, wilujeng boten wonten alangan satunggal punapa. Salajengipun kula sarencang nyuwun pangestu mugi-mugi saged nglajengaken wonten ing pawiyatan ingkang langkung inggil wilujeng ngantos salajengipun.
Kula kinten boten prayogi menawi atur pamitan punika kula ngelantur, cekap semanten atur kula bokmenawi wonten klenta-klentunipun kula nyuwun agunging pangaksami.
Nuwun, matur nuwun,
Wassalamu’alaikum Wr. Wb.
Contoh 2 :
Assalamualaikum Wr. Wb.
Nuwun
Bagi yang mampu bisa ditambahkan mukadimah, baca selengkapnya di contoh - contoh mukadimah pidato
Ingkang kinurmatan panjenenganipun, Bapak Kepala Sekolah SMP Pemdes Desa Genengadal
Bapak/Ibu Guru saha karyawan ingkang kula hormati,
Para tamu undhangan kakung putri ingkang bagya mulya
Mboten kesupen, ingkang kula tresnani adhik-adhik kelas tuwin rencang-rencang ingkang kula banggaaken
Puji syukur, Alhamdulillahirobil'alamin, konjuk wonten ing ngarsanipun Allah ingkang Maha Welas lan Asih, awit ing wekdal menika kita sedaya taksih pinaringan rahmat lan hidayahipun, saengga ing saged makempal wonten ing acara "perpisahan SMP Pemdes tahun ajaran 2018/2019 kanthi pinaringan karaharjan.
Kepareng matur kula minangka wakil saking siswa kelas 9, ngaturaken agunging panuwun ingkang tanpa upami dhumateng Bapak Ibu Guru, awit saking sih katresnan anggenipun nggulawentah dhumateng kula sekanca, saengga saged ngrampungaken kewajiban anggen kula sakanca ngangsu kawruh wonten ing pawiyatan ingkang kita tresnani menika.
Kula sakanca mboten saged atur piwales dumateng panjenengan sedaya, naming saged memuji, mugi-mugi sedaya amal lan kesaenan Bapak Ibu Guru pikantuk piwales saking Gusti Allah ingkang Maha Agung, saha tansah pinaringan kasarasan, kawilujengan lan ketentreman saengga saged nggulawentah dhateng adhik-adhik sedaya ngantos dumugi paripurna kanthi prestasi ingkang saged damel bombong manah kita sedaya.
Lan ugi, kula sakanca keparenga nyuwun pangapunten, awit kula sakanca asring ndamel Bapak Ibu duka lan kuciwa, awit saking atur saha solah bawa kula sakanca ingkang mboten mranani penggalih panjenengan sedaya.
Dhumateng Bapak/Ibu Guru lan adhik-adhik sedaya, sepindhah malih kula atur puji donga mugi pnajenengan sedaya tansah pinaringan rahmat saha sih barokahing Gusti Allah, Amin..
Ing wasana cekap semanten anggen kawula matur , menawi kathah kalepatan atur saha solah bawa ingkang boten mranani penggalih, kula nyuwun agunging samodra pengaksama.
Wassalamualaikum Wr. Wb.
Demikian contoh pidato singkat perpisahan SMP dalam bahasa jawa, mudah-mudahan bermanfaat bagi adik-adik kelas 9 yang akan menjalankan tugas mewakili siswa saat acara perpisahan. terima kasih telah berkunjung di blog saya ini,
Baca Juga Pidato Bahasa Jawa dengan Tema yang lain:
pidato bahasa jawa tentang narkoba
pidato bahasa jawa tema dampak media sosial terhadap dunia pendidikan
pidato sambutan ketua panitia peringatan HUT RI
No comments:
Post a Comment